കോതമംഗലം : കോട്ടപ്പടി പഞ്ചായത്തിലെ 4-ലാം വാർഡിൽ കുടിവെള്ള ക്ഷാമം രൂക്ഷമാവുന്നു. കോട്ടപ്പടി പഞ്ചായത്തിലെ ഉപ്പുകണ്ടം മേഖലയിൽ കുട്ടൻചിറയും, പഞ്ചായത്ത് കിണറും മലിനമായതോടെയാണ് കുട്ടൻചിറ നിവാസികൾ ദുരിതത്തിലായത്. പലതവണ പഞ്ചായത്ത് അധികൃതരെയും വാർഡ് മെമ്പറെയും കാര്യം ധരിപ്പിച്ചെങ്കിലും നിഷേധാത്മകമായ നിലപാടാണ് ഉണ്ടായത് എന്ന് ഗുണഭോഗ്താക്കൾ വെളിപ്പെടുത്തുന്നു. അംഗൻവാടിയോട് ചേർന്ന് കിടക്കുന്ന കിണറും പരിസരവും കാടു കയറി കിടക്കുന്നതിനാൽ മാതാപിതാക്കളുടെ ഇടയിൽ അതും ആശങ്ക ഉയർത്തുന്നു.
എത്രയും പെട്ടന്ന് ശുദ്ധജല സ്രോതസ് വൃത്തിയാക്കി നാട്ടുകാരുടെ കുടിവെള്ള ക്ഷാമവും, അംഗൻവാടിയിൽ വിടുന്ന കുട്ടികളുടെ മാതാപിതാക്കളുടെ ആശങ്കയും അകറ്റണമെന്നാണ് നാട്ടുകാർ ആവശ്യപ്പെടുന്നത്.
You must be logged in to post a comment Login