NEWS
താലൂക്ക് ഓഫീസ് പ്രവർത്തനം തുടങ്ങുന്നു; ഫയർ ഫോഴ്സ് ശുചികരണ പ്രവർത്തനങ്ങൾ നടത്തി

കോതമംഗലം: കൊറോണ പ്രതിരോധ നടപടിയുടെ ഭാഗമായി ലോക്ക് ഡൗൺ പ്രഖ്യാപിച്ചിരുന്നതിനാൽ കോതമംഗലം താലൂക്ക് ഓഫീസ്, മുനിസിപ്പൽ ഓഫീസ്, പഞ്ചായത്ത് ഓഫീസുകൾ എന്നിവ ഭാഗികമായി മാത്രമെ പ്രവർത്തിച്ചിരുന്നുള്ളു. ഇളവുകൾ പ്രഖ്യാപിച്ച സാഹചര്യത്തിൽ നാളെ രാവിലെ 10 മണി മുതൽ ഓഫീസുകൾ തുറന്നു പ്രവർത്തിക്കും.
ഓഫീസുകൾ തുറന്നു പ്രവർത്തിക്കുന്നതിൻ്റെ ഭാഗമായി കോതമംഗലം തഹസിൽദാർ റെയ്ചൽ കെ വർഗീസിന്റെ നിർദ്ദേശാനുസരണം കോതമംഗലം താലൂക്കാഫീസും പരിസരവും കോതമംഗലം അഗ്നി രക്ഷാ സേന അണുനശീകരണം നടത്തി. സീനിയർ ഫയർ ആൻറ് റെസ്ക്യൂ ഓഫീസർ കെ എം മുഹമ്മദ് ഷാഫിയുടെ നേതൃത്വത്തിൽ സിദ്ധീഖ് ഇസ്മയിൽ, സി എസ് അനിൽകുമാർ, ജി ഉണ്ണികൃഷ്ണൻ എന്നിവർ അണു നശീകരണ പ്രവർത്തനത്തിൽ പങ്കെടുത്തു.
കോതമംഗലം താലൂക്കിലെ 13 വില്ലേജ് ഓഫീസുകളിലും പ്രവർത്തനം ഉണ്ടായിരിക്കുമെന്ന് തഹസിൽദാർ റെയ്ചൽ കെ വർഗീസ് അറിയിച്ചു. മുനിസിപ്പൽ ഓഫീസ്, പഞ്ചായത്ത് ഓഫീസ് എന്നിവയും പ്രവർത്തിക്കും. കൊവിഡ് 19 രോഗ പ്രതിരോധ നടപടിയുടെ ഭാഗമായി സർക്കാർ നിർദേശിച്ചിട്ടുള്ള സുരക്ഷ ഉറപ്പു വരുത്തിയായിരിക്കും ഓഫീസുകളുടെ പ്രവർത്തനം നടത്തുക.
NEWS
ഭൂതത്താന്കെട്ട് ബാരിയേജിന് സമീപത്തെ കൃഷിയിടത്തില് കടുവയിറങ്ങി

കോതമംഗലം : ഭൂതത്താന്കെട്ട് കൂട്ടിക്കൽ ചേലക്കുളം പൈലിയുടെ കൃഷിയിടത്തില് കടുവയിറങ്ങിയത് ജനങ്ങളെ ആശങ്കയിലാഴ്ത്തി. കഴിഞ്ഞദിവസം ഇവിടെയെത്തിയ കടുവ വളര്ത്തുമൃഗങ്ങളെ ഓടിച്ചിരുന്നു. വളര്ത്തുനായയെ പിന്നീട് കണ്ടെത്തിയിട്ടില്ല. കാല്പ്പാടുകള് കടുവയുടേതാണെന്ന് പരിശോധനക്കെത്തിയ വനംവകുപ്പ് ഉദ്യോഗസ്ഥര് സ്ഥിരീകരിച്ചിട്ടുണ്ട്. ക്യാമറ സ്ഥാപിച്ച് നിരീക്ഷണം നട്ത്തുകയും മറ്റ് നടപടികള് സ്വീകരിക്കുകയും ചെയ്യുമെന്ന് അധികൃതര് വ്യക്തമാക്കി. ആശങ്ക പരിഹരിക്കാന് നടപടി വേണമെന്നാണ് നാട്ടുകാരുടെ ആവശ്യം.
NEWS
ഇര വിഴുങ്ങിക്കിടന്ന പെരുമ്പാമ്പിനെ പിടികൂടി.

കോതമംഗലം :- ചേലാട് സ്വദേശി കുര്യൻ എന്നയാളുടെ പറമ്പിൽ ഇര വിഴുങ്ങിക്കിടന്ന പെരുമ്പാമ്പിനെ ഇന്ന് പിടികൂടി. പറമ്പിൽ ജോലി ചെയ്തു കൊണ്ടിരുന്ന പണിക്കാരാണ് കൈത്തോട്ടിൽ കിടന്ന പാമ്പിനെ ആദ്യം കണ്ടത്. കോതമംഗലം ഫോറസ്റ്റ് റേഞ്ച് ഓഫീസിൽ വിവരം അറിയിച്ചതിനെ തുടർന്ന് ആവോലിച്ചാലിൽ നിന്നും പാമ്പുപിടുത്ത വിദഗ്ദ്ധൻ CK വർഗ്ഗീസ് എത്തി പാമ്പിനെ രക്ഷപെടുത്തി ഉൾ വനത്തിൽ തുറന്നു വിട്ടു.
NEWS
നെല്ലിക്കുഴി ഗ്രാമ പഞ്ചായത്തിലെ ബിജെപി മെമ്പർ രാജി വച്ചു.

കോതമംഗലം : നെല്ലിക്കുഴി ഗ്രാമപഞ്ചായത്ത് ആറാം വാർഡ് അംഗം സനൽ പുത്തൻപുരയ്ക്കൽ രാജി വച്ചു. ഇന്ന് ഉച്ചക്ക് 3 മണിക്ക് പഞ്ചായത്ത് സെക്രട്ടറി മുൻപാകെ രാജി സമർപ്പിച്ചു. 2020 ഡിസംബർ മാസത്തിൽ നടന്ന തദ്ദേശ്ശ തെരഞ്ഞെടുപ്പിൽ പട്ടികജാതി സംവരണ വാർഡായി തെരഞ്ഞെടുത്ത തൃക്കാരിയൂർ തുളുശ്ശേരിക്കവല ആറാം വാർഡിൽ ബിജെപി സ്ഥാനാർത്ഥിയായി താമര ചിഹ്നത്തിൽ മത്സരിച്ച സനൽ 194 വോട്ടിന്റെ ഭൂരിപക്ഷത്തിൽ സിപിഎം സ്ഥാനാർത്ഥി വി കെ ചന്ദ്രനെ പരാജയപ്പെടുത്തിയിരുന്നു.
സനലിന് വിദേശത്ത് ജോലി ശരിയായിട്ടുണ്ടെന്നും മൂന്നര മാസത്തിനകം വിദേശത്തേക്ക് പോകേണ്ടി വരുമെന്നതിനാലാണ് രാജി സമർപ്പിച്ചതെന്ന് സനൽ അറിയിച്ചു. തനിക്ക് എല്ലാവിധ പിന്തുണയും നൽകി കൂടെ നിന്ന പാർട്ടിയോടും പാർട്ടി പ്രവർത്തകരോടും, വാർഡ് നിവാസികളോടും എല്ലാവിധ നന്ദിയും കടപ്പാടും അറിയിക്കുന്നതായും സനൽ പറഞ്ഞു.
🌀കോതമംഗലം വാർത്ത ẇһѧṭṡѧƿƿıʟ ലഭിക്കുവാൻ താഴെ കാണുന്ന ലിങ്കിൽ ക്ലിക്ക് ചെയ്യുക👇
-
CRIME1 week ago
പരീക്കണ്ണിപ്പുഴയിൽ സ്ത്രീയുടെ മൃതദേഹം കണ്ടെത്തി.
-
CRIME4 days ago
കോതമംഗലത്ത് വൻ ഹെറോയിൻ വേട്ട
-
CRIME1 week ago
വനത്തിൽ നിന്നും ഉടുമ്പിനെ പിടികൂടി കറിവെച്ച് കഴിച്ച കേസിൽ നാലുപേരെ വനപാലകർ അറസ്റ്റ് ചെയ്തു
-
ACCIDENT1 week ago
പത്രിപ്പൂ പറക്കാൻ പോയ യുവാവ് മരത്തിൽ നിന്ന് വീണ് മരിച്ചു.
-
CRIME4 days ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാടുകടത്തി.
-
AGRICULTURE6 days ago
ഒരു തട്ടേക്കാടൻ തണ്ണിമത്തൻ വിജയഗാഥ; വിളവെടുത്തത് 12 ടണ്ണിൽ പരം കിരൺ തണ്ണിമത്തൻ,പാകമായി കിടക്കുന്നത് 15 ടണ്ണിൽ പരം
-
Business1 week ago
സൗഖ്യ ഹോംസിലൂടെ നേടാം നവോന്മേഷം; യൂറോപ്യൻ മാതൃകയിൽ റിട്ടയർമെന്റ് ജീവിതം ആഗ്രഹിക്കുന്നവർക്കായി കോതമംഗലത്ത് ഒരു സ്വർഗ്ഗീയഭവനം
-
AGRICULTURE4 days ago
പിണ്ടിമനയിലും തണ്ണീർമത്തൻ വസന്തം