- ഷാനു പൗലോസ്
കോതമംഗലം : കോതമംഗലത്തിനടുത്ത് പുന്നേക്കാട് താമസിക്കുന്ന ബേസിൽ ആണ് സുമനസ്സുകളുടെ സഹായം തേടുന്നത്. പുന്നേക്കാട് കട്ടക്കനായി ബേസിലിന് ജീവന് നിലനിറുത്താന്‍ അനിവാര്യമായ വൃക്ക മാറ്റിവക്കലിനുള്ള ധനസമാഹരണത്തിനായുള്ള പരിശ്രമത്തിലാണ് നാട്ടുകാര്‍. പണമില്ലാത്തതിന്‍റെ പേരില്‍ ഈ യുവാവിന്‍റെ ജീവന് നഷ്ടപ്പെടരുതെന്ന ആഗ്രഹമാണ് നാട്ടുകാര്‍ക്കുള്ളത്. പിതാവും, മാതാവും, രണ്ട് സഹോദരിമാരും അടങ്ങുന്ന ഒരു സാധു കുടുംബം. സഹോദരിമാരെ വിവാഹം ചെയ്തയച്ചു. നിർദ്ധന കുടുംബത്തിന്‌ പ്രത്യേക വരുമാനം ഒന്നുമില്ല. ബേസിലിനും ജോലിക്ക് പോകുവാൻ സാധിച്ചിരുന്നില്ല. ഒരിക്കൽ പോലും കണ്ടിട്ടില്ലാത്തവർക്കും ഇപ്പോൾ ബേസിലിനെ പരിചിതമായി കാണും എന്ന് കരുതട്ടെ.
ഇപ്പോൾ ബേസിലിൻ്റെ രണ്ട് വൃക്കകളും പ്രവർത്തനരഹിതമായ അവസ്ഥയിലാണ്. ആറ് മാസത്തോളമായി ഈ അസുഖം തിരിച്ചറിഞ്ഞിട്ട്. എറണാകുളം ലിസി ആശുപത്രിയിലാണ് ചികിത്സ. മകന് വൃക്ക നൽകാൻ ബേസിലിൻ്റെ പിതാവ് തയ്യാറുമാണ്. പക്ഷേ ശസ്ത്രക്രിയയുടെ ഭീമമായ തുക ഈ പാവം ബേസിലിന് താങ്ങുവാൻ കഴിയുകയില്ല. ശസ്ത്രക്രിയക്കും അനുബന്ധ ചികിത്സക്കും പത്ത് ലക്ഷത്തിലധികം രൂപ ചിലവ് വരുമെന്നാണ് അറിയുവാൻ കഴിഞ്ഞത്. എത്രയും പെട്ടെന്ന് ശസ്ത്രക്രിയ നടത്തണം. പക്ഷേ അതിനുള്ള തുക ലഭ്യമായിട്ടുമില്ല.
ചെറുതോ വലുതോ എന്ന് ചിന്തിക്കാതെ നമ്മുടെ കൂട്ടത്തിലൊരാൾക്ക് നമ്മളാൽ കഴിയുന്ന സഹായം സമാഹരിക്കണം. ഇത് വായിച്ച് വെറുതെ കടന്ന് പോകരുത്. സഹായിക്കണം, കരുതണം, ഈ കുഞ്ഞനിയനെ. കാരണം നിങ്ങൾ നൽകുന്നത് ഒരു ചെറിയ തുകയാണെങ്കിൽ കൂടി അത് ബേസിലിൻ്റെ ജീവന് വേണ്ടിയാണ് നൽകുന്നത്.
അക്കൗണ്ട് നമ്പർ: 0758053000002243
IFSC: SIBL0000758
South Indian Bank
Punnekkad branch
…………………………………
ഗൂഗിൾ പേ/ ഫോൺ പേ:
+91 9747 235872
Please Join കോതമംഗലം വാർത്ത whatsapp ഗ്രൂപ്പ്..
https://chat.whatsapp.com/KCMfwa9yfXm04AbULBT4x3
