പെരുമ്പാവൂർ : കേരള കാർഷിക സർവ്വകലാശാലയുടെ കീഴിലുള്ള ഓടയ്ക്കാലി സുഗന്ധതൈല ഔഷധസസ്യ ഗവേഷണ കേന്ദ്രത്തിൽ നടത്തിയ ഫാം ദിനാഘോഷത്തിന്റെയും ഏകദിന പരിശീലന പരിപാടിയുടേയും ഉദ്ഘാടനം നിർവ്വഹിച്ച് സംസാരിക്കുകയായിരുന്നു. ഒന്നര കോടി രൂപയുടെ പദ്ധതികളാണ് ഈ വർഷം സംസ്ഥാന ബഡ്ജറ്റിൽ ഗവേഷണ കേന്ദ്രത്തിന് നിർദ്ദേശിച്ചിട്ടുള്ളത്. സീത വനത്തിന് 50 ലക്ഷം രൂപയുടെ MLA പദ്ധതികളും കൂടെ കൂട്ടിചേർക്കപ്പെടുമെന്നും MLA ആറിയിച്ചു. 1951 ൽ സ്ഥാപിതമായ ഓടക്കാലി സുഗന്ധതൈല തൈല ഗവേഷണ കേന്ദ്രത്തിന് 30 ഏക്കറോളം ഭൂമി സ്വന്തമായിട്ടുണ്ട്. അപൂർവ്വങ്ങളിൽ അപൂർവ്വമായ വംശനാശം സംഭവിച്ചുകൊണ്ടിരിക്കുന്ന ഔഷധസസ്യങ്ങളുടെ പുനർജ്ജനിക്കാണ് ഇവിടെ പദ്ധതികൾ ആവിഷ്ക്കരിക്കപ്പെട്ടത്.
ഗവേഷണ പ്രവർത്തനങ്ങളിലൂടെ അറിവ് നിർമ്മിക്കുകയും പങ്കുവയ്ക്കുകയും ഒപ്പം വിനോദത്തിനും വിജ്ഞാനത്തിനുമുള്ള അവസരം ഒരുങ്ങുകയാണ് ഇവിടെ. പദ്ധതികൾ പൂർത്തീകരിക്കപ്പെടുന്നതോടെ ഓടക്കാലി കേരളത്തിന്റെ ശ്രദ്ധാകേന്ദ്രമാകും എന്ന പ്രതീക്ഷ പരക്കെ ഉയർന്നിട്ടുണ്ട്. പദ്ധതികളുടെ കർമ്മരേഖ യോഗത്തിൽ പ്രകാശനം ചെയ്തു
അശമന്നൂർ ഗ്രാമപഞ്ചായത്ത് പ്രസിഡന്റ് ശ്രീമതി ഷിജി ഷാജി അദ്ധ്യക്ഷത വഹിച്ചു. ഗവേഷണ കേന്ദ്രം മേധാവി ഡോ. ആൻസി ജോസഫ് സ്വാഗതം ആശംസിച്ചു.
ഫാം ഉപദേശക സമിതി അംഗവും കേരള കാർഷിക സർവ്വകലാശാല ജനറൽ കൗൺസിൽ അംഗവുമായ, ഡോ. പി .കെ. സുരേഷ് കുമാർ സുഗന്ധതൈല ഔഷധസസ്യ സംസ്ക്കരണത്തിന്റെ പരിശീലന കൈപുസ്തക പ്രകാശനവും പ്രത്യേക പ്രഭാഷണവും നടത്തി.
മണ്ണ് സംരക്ഷണത്തിന് അനുയോജ്യമായ “ഭൂമിക” എന്ന പുതിയ രാമച്ചയിനം കർഷക സമൂഹത്തിന് സമർപ്പിച്ചു. സുഗന്ധതൈല ഔഷധസസ്യ ഗവേഷണത്തിലും രാമച്ച ഇനങ്ങളായ “ഭൂമിക, “ODV- 33” എന്നിവ വികസിപ്പിച്ചെടുക്കുന്നതിലും വിലപ്പെട്ട സംഭാവനകൾ നൽകിയ ഈ കേന്ദ്രത്തിലെ അഗ്രോണമി വിഭാഗം പ്രൊഫസറായ ഡോ. ഗ്രേസി മാത്യു വിന് മെമന്റോ നൽകി ആദരിച്ചു.
എറണാകുളം ജില്ലാ പഞ്ചായത്ത് മെമ്പർ ശ്രീമതി ഷൈമി വർഗീസ്, കൂവപ്പടി ബ്ലോക്ക്പഞ്ചായത്ത് മെമ്പർ ശ്രീ. എൻ. എം .സലിം, അശമന്നൂർ ഗ്രാമപഞ്ചായത്ത് അംഗങ്ങളായ ശ്രീമതി ഗീത രാജീവ്, ശ്രീ. അജാസ് യൂസഫ്, സരിത ഉണ്ണികൃഷ്ണൻ എന്നിവർ ആശംസകൾ അർപ്പിച്ചു. ഫാം സൂപ്രണ്ട് ശ്രീ. കെ.എം. എൽദോ കൃതജ്ഞത രേഖപ്പെടുത്തി. ഫാം ദിനാഘോഷത്തോടനുബന്ധിച്ച് സുഗന്ധതൈല ഔഷധസസ്യ സംസ്ക്കരണത്തെ സംബന്ധിച്ച് സെമിനാറും കർഷക ശാസ്ത്രജ്ഞ മുഖാമുഖവും സംഘടിപ്പിച്ചു.
