കോതമംഗലം ഈസ്റ്റ് ലയൺസ് ക്ലബ് ജീവിതശൈലീ രോഗനിർണ്ണയവും, സൗജന്യ രക്ത പരിശോധനയും നടത്തി.

കോതമംഗലം: ലയൺസ് ക്ലബ് കോതമംഗലം ഈസ്റ്റ്, മുത്തൂറ്റ് സ്വാശ്രയയും ചേർന്ന് പിണ്ടിമന പഞ്ചായത്തിൻ്റെ യും, മാലിപ്പാറ സഹകരണ ബാങ്കിൻ്റെയും സഹകരണത്തോടെ പിണ്ടി മനയിലും, മാലിപ്പാറയിലും ജീവിത ശൈലി – വൃക്ക -ഹൃദ് രോഗ-നിർണ്ണയവും സൗജന്യ രക്ത പരിശോധനയും നടത്തി.ഗ്ലൂക്കോസ്, കൊളസ്ട്രോൾ, രക്തസമ്മർദ്ദം, യൂറിൻ ആൽബുമിൻ, യൂറിൻ ഷുഗർ എന്നിവ സൗജന്യമായി ടെസ്റ്റു ചെയ്തു.

പിണ്ടിമനയിൽ നടന്ന ക്യാമ്പ് പഞ്ചായത്ത് പ്രസി.ജെസി സാജുവും, മാലിപ്പാറ സഹകരണ ബാങ്ക് ഓഡിറ്റോ റിയത്തിൽ നടന്ന ക്യാമ്പ് ലയൺ പ്രിൻസിപ്പൽ അഡ്വൈസർ കെ.വി മത്തായിയും നിർവ്വഹിച്ചു. ചടങ്ങിൽ സോൺ ചെയർപേഴ്സൺ സിജോ ജേക്കബ്, സഹകരണ ബാങ്ക് പ്രസി.സണ്ണി ജോസഫ്, ക്ലബ് സെക്രട്ടറി ജോർജ് എടപ്പാറ, ട്രഷറർ കെ.ഒ ഷാജി, ലാലു ജോസ് കാച്ചപ്പിള്ളി, ബിനോയി തോമസ്, ജോസ് കൈതക്കൽ, ബാങ്ക് സെക്രട്ടറി ഗ്രേസി എന്നിവർ പ്രസംഗിച്ചു. ക്യാ മ്പിൽ 280 പേർ പങ്കെടുത്തു.