കോതമംഗലം : കേരള കോ-ഓപ്പറേറ്റീവ് എംപ്ലോയീസ് യൂണിയൻ CITU നേതൃത്വത്തിൽ കോതമംഗലത്ത് കേരള ബാങ്ക് ഓഫീസുകൾക്ക് മുമ്പിൽ പ്രതിഷേധ ധർണ നടത്തി. കേരള ബാങ്കിൽ നിക്ഷേപിച്ചിട്ടുള്ള സഹകരണ ജീവനക്കാരുടെ പ്രോവിഡൻ്റ് ഫണ്ട് നിക്ഷേപത്തിൻ്റെ പലിശ നിരക്ക് വെട്ടിക്കുറച്ച നടപടി പുനസ്ഥാപിക്കുക, സഹകരണ ജീവനക്കാരുടെ പ്രോവിഡൻ്റ് നിക്ഷേപത്തിന് EPF അംഗീകാരം ലഭ്യമാക്കി ആദായ നികുതി ഇളവ് ഉറപ്പു വരുത്തുക എന്നീ ആവശ്യങ്ങൾ ഉന്നയിച്ചു കൊണ്ട് സംസ്ഥാന വ്യാപകമായി നടത്തിയ സമരത്തിൻ്റെ ഭാഗമായാണ് കോതമംഗലം ഏരിയയിലെ വിവിധ കേന്ദ്രങ്ങളിൽ സമരം നടന്നത്.
ഏരിയ തല ഉത്ഘാടനം കേരള ബാങ്കിൻ്റെ കോതമംഗലം മെയിൻ ശാഖക്ക് മുന്നിൽ CITU ഏരിയാ സെക്രട്ടറി KA ജോയി നിർവഹിച്ചു. കേരള ബാങ്കിൻ്റെ ഈവനിംഗ് ശാഖക്ക് മുന്നിൽ നടന്ന സമരം CITU ഏരിയ ജോയിൻ്റ് സെക്രട്ടറി CPട ബാലൻ ഉത്ഘാടനം ചെയ്തു. നേതാക്കളായ ബിനോയി, സജീവ്, ജാൻസി തുടങ്ങിയവർ പ്രസംഗിച്ചു.
