ജൂനിയർ റെഡ്ക്രോസ്സ് യാത്രഅയപ്പ് സമ്മേളനം നടത്തി.

കോതമംഗലം :സർവീസിൽ നിന്ന് വിരമിക്കുന്ന ജൂനിയർ റെഡ്ക്രോസ്സ് എറണാകുളം ജില്ലാ കോർഡിനേറ്ററും കോതമംഗലം മാർബേസിൽ ഹൈസ്കൂൾ അധ്യാപികയുമായ ഗ്രേസി N. C, കോതമംഗലം സബ്ജില്ലയിലെ കൗൺസിലർമാരായ അയ്യങ്കാവ് ഗവണ്മെന്റ് ഹൈസ്കൂൾ അധ്യാപിക K. K. ലീല, കോതമംഗലം സെന്റ് ആഗസ്റ്റിൻസ് ഗേൾസ് ഹൈസ്കൂൾ അധ്യാപിക ഡാലി K ജോസ് എന്നിവർക്ക് ജൂനിയർ റെഡ്ക്രോസ്സ് കോതമംഗലം താലൂക്ക് കമ്മിറ്റിയുടെ നേതൃത്വത്തിൽ മാർബേസിൽ ഹൈസ്കൂൾ ഓഡിറ്റോറിയത്തിൽ വച്ച് യാത്ര അയപ്പ് സമ്മേളനം നടത്തി.

സമ്മേളനം ഇന്ത്യൻ റെഡ്ക്രോസ്സ് സൊസൈറ്റി കേരള സ്റ്റേറ്റ് മാനേജിങ് കമ്മിറ്റി അംഗവും, ജൂനിയർ റെഡ്ക്രോസ്സ് എറണാകുളം ജില്ലാ ചെയർമാനുമായ അഡ്വ. രാജേഷ് രാജൻ ഉത്ഘാടനം നിർവഹിച്ചു. കോതമംഗലം താലൂക്ക് ചെയർമാൻ ജോർജ് എടപ്പാറ അധ്യക്ഷത വഹിച്ച ചടങ്ങിൽ ജില്ലാ മാനേജിങ് കമ്മിറ്റി അംഗം ലോറൻസ് അബ്രഹാം, താലൂക്ക് സെക്രട്ടറി ബിനോയ്‌ തോമസ് മാലിപ്പാറ, ട്രഷറർ മുഹമ്മദാലി, മാർബേസിൽ സ്കൂൾ സ്റ്റാഫ് സെക്രട്ടറി ബിന്ദു വർഗീസ്, ഗ്രേസി N. C, ലീല K. K., ഡാലി K ജോസ്,സബ്ബ് ഡിസ്ട്രിക്ട് കോർഡിനേറ്റർ ധന്യ ബിനീഷ്, ടീന തോമസ്, പ്രീതി തുടങ്ങിയവർ ആശംസകൾ അർപ്പിച്ചു.

യോഗത്തിൽ വച്ച് കോതമംഗലം സബ്ജില്ലയിലെ ജൂനിയർ റെഡ്ക്രോസ്സ് കൗൺസിലേഴ്‌സിന്റ നേതൃത്വത്തിൽ വിരമിച്ച അധ്യാപകരെ മൊമെന്റോയും മറ്റ് ഉപഹാരങ്ങളും പൊന്നാടയും നൽകി ആദരിച്ചു. തുടർന്ന് കേക്ക് മുറിച്ചു സ്നേഹവിരുന്നും സംഘടിപ്പിച്ചു.