ജനങ്ങളുടെ ആരോഗ്യ പരിപാലനത്തിനായി കൂടുതൽ ശ്രദ്ധ ചെലുത്തുമെന്ന് ഐ.എം.എ.

കോതമംഗലം: പൊതുജനങ്ങളുടെ ആരോഗ്യപരമായ കാര്യങ്ങൾക്ക് മുൻതൂക്കം നൽകുമെന്നും
സർക്കാർ സ്വകാര്യ മേഖലയിലെ ആശുപത്രികളുമായി സഹകരിച്ച് ജനങ്ങളുടെ ആരോഗ്യ പരിപാലനത്തിനായി കൂടുതൽ ശ്രദ്ധ ചെലുത്തുമെന്നും ഐ.എം.എ കോതമംഗലം ബ്രാഞ്ച് പ്രസിഡൻ്റ് ഡോ.എ.ബി വിൻസെൻ്റ്. കോതമംഗലം ഐ എം എ പ്രസിഡൻ്റായി സ്ഥാനാരോഹണ ചെയ്ത് സംസാരിക്കുകയായിരുന്നു അദ്ദേഹം. ഐ.എം.എ ഹാളിൽ നടന്ന ഏരിയ ജനറൽ ബോഡി യോഗത്തിൽ പുതിയ ഭാരവാഹികളുടെ സ്ഥാനാരോഹണ ചടങ്ങിൽ ഡോ.ജോസഫ് ചാക്കോ മുഖ്യ അതിഥി ആയി. ഡോ. അബ്രഹാം വർഗീസ് തെരഞ്ഞെടുപ്പിന് മേൽനോട്ടം വഹിച്ചു.

വൈസ് പ്രസിഡൻറ് മാരായി ഡോ.ബേബി മാത്യു, ഡോ.ആൻറണി പീറ്റർ എന്നിവരും
സെക്രട്ടറിയായി ഡോ.ബിജു ചാക്കോയും, ജോയിൻ സെക്രട്ടറിയായി ഡോ.ജോർജ് അബ്രാഹവും ട്രഷററായി ഡോ.ചന്ദ്രശേഖർ നായിക്കും ചുമതലയേറ്റു. ഡോ.ഫ്രാൻസീസ് സ്വാഗതവും ഡോ.ബിജു ചാക്കോ നന്ദിയും പറഞ്ഞു.