കോതമംഗലം: 2000 രൂപയ്ക്ക് മുകളിലുള്ള യുപിഐ വഴിയുള്ള ഇടപാടുകൾക്ക് സർവീസ് ചാർജ് ഏർപ്പെടുത്തുവാനുള്ള കേന്ദ്രസർക്കാർ നീക്കത്തിനെതിരെ കേരള വ്യാപാരി വ്യവസായി ഏകോപനസമിതി സംസ്ഥാന കമ്മിറ്റിയുടെ ആഹ്വാനപ്രകാരം കോതമംഗലം നിയോജകമണ്ഡലം യൂത്ത് വിങ്ങിന്റെ ആഭിമുഖ്യത്തിൽ കേന്ദ്ര ധനകാര്യ മന്ത്രിക്കും , വകുപ്പിനും ഇമെയിൽ അയച്ച് പ്രതിഷേധിച്ചു. ഷിബു തെക്കുംപുറം എംഎൽഎ ഉദ്ഘാടനം നിർവഹിച്ചു.
വ്യാപാരി വ്യവസായി ഏകോപന സമിതി കോതമംഗലം നിയോജകമണ്ഡലം പ്രസിഡന്റ് ജിജി ഏളൂർ അധ്യക്ഷത വഹിച്ചു. യൂത്ത് വിങ്ങ് നിയോജകമണ്ഡലം പ്രസിഡൻ്റ് പി.എംഷംജൽ, ജില്ലാ സെക്രട്ടറി അജു മാത്യു, നിയോജകമണ്ഡലം സെക്രട്ടറി എം.എ ഷെറു, ട്രഷറർ ബെന്നി ജോസഫ്,കെ.എ സിബിഎം.എം അലിയാർ, എൻ.ആർസജീവ്, വി.ജെമത്തായികുഞ്ഞ്,എ. വിപൗലോസ് ,ബെന്നി പോൾ ,ബിനു ജോർജ് എന്നിവർ പ്രസംഗിച്ചു.
