കോതമംഗലം : തിങ്കളാഴ്ച രാവിലെ കോതമംഗലം കെ എസ് ആർ റ്റി സി ബസ് സ്റ്റാൻഡ് ജങ്ഷനിൽ കാറും ലോറിയും കൂട്ടിയിടിച്ച് കാറിൽ സഞ്ചരിച്ചിരുന്ന ഗർഭിണിയടക്കം നാല് പേർക്ക് പരിക്ക് പറ്റി. ആരുടെയും പരിക്ക് ഗുരുതരമല്ല. പരിക്ക് പറ്റിയവരെ കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിച്ചു. മാമലക്കണ്ടത്ത് ചായക്കടയും പച്ചക്കറിക്കടയും നടത്തി വരുന്ന വിനോദ് പച്ചക്കറി വാങ്ങാനായി കോതമംഗലത്തിന് പോരും വഴിയാണ് അപകടം നടന്നത്. പോരുമ്പോൾ അയൽ വാസിയായ സത്യനും ഭാര്യയും മകളും കൂടെ പോരുകയായിരുന്നു. ഡ്രൈവറായ വിനോദ് പ്രാഥമിക ശിശ്രൂഷകൾക്ക് ശേഷം ആശുപത്രിയിൽ നിന്നും ഡിസ്ചാർജ് വാങ്ങി പൊന്നു. മറ്റു മൂന്നു പേരും ആശുപത്രിയിൽ ചികിത്സയിലാണ്.
ഇടിയുടെ ആഘാതത്തിൽ കാറിന്റെ മുൻ വശം തകർന്നു. ഹൈറെഞ്ച് ഭാഗത്ത് നിന്ന് വരുകയായിരുന്ന കാറ് എതിരെ വന്ന ലോറിയുമായി കൂട്ടിയിടിക്കുകയായിരുന്നു. കോതമംഗലം പോലീസ് സ്ഥലത്തെത്തി മേൽ നടപടികൾ സ്വീകരിച്ചു.
