കവളങ്ങാട് : ഊന്നുകല്ലിന് സമീപം കാട്ടാനയെത്തി. ഞായറാഴ്ച അർദ്ധരാത്രിയിൽ മുള്ളരിങ്ങാട് – ചാത്തമറ്റം വനമേഖലയിൽ നിന്നുമിറങ്ങിയ കാട്ടാന പരീക്കണ്ണി പുഴ തീരം ഇടിച്ചു പുഴയിലിറങ്ങിയതായി പ്രദേശവാസികൾ പറയുന്നു. പരീക്കണ്ണി മഠത്തിന് ഏതാനും മീറ്റർ അകലെ കാട്ടാന വന്നത് ജനം പരിഭ്രാന്തിയോടെയാണ് കാണുന്നത്. താന്നിപുഴ റഷീദിന്റെ ഉടമസ്ഥതയിലുള്ള പരീക്കണ്ണി പുഴ തീരത്തെ പറമ്പിൽ കയറിയ കാട്ടാന വലിയ നാശമാണ് നടത്തിയത്. വാഴകളും തെങ്ങുകളും മറ്റു കൃഷികളുമെല്ലാം പിഴുതെറിഞ്ഞതായി കണ്ടത്. കാട്ടാന ശല്യം തടയാൻവനപാലകരെ വിവരമറിയിച്ചിട്ടുണ്ട്. ചാത്തമറ്റം മുള്ളരിങ്ങാട്, ഉപ്പുകുഴി വനാതിർത്ഥികളിൽ ഫെൻസിംങ്ങ് സ്ഥാപിക്കണമെന്ന് നാട്ടുകാരുടെ ആവശ്യത്തിന് വർഷങ്ങളുടെ പഴക്കമുണ്ട്.
🌀കോതമംഗലം വാർത്ത whatsappil ലഭിക്കുവാൻ താഴെ കൊടുത്തിരിക്കുന്ന ലിങ്ക് ഉപയോഗിക്കുക👇
