കാട്ടാനകളെ തുരത്താൻ വനം വകുപ്പ് നടത്തിയ ശ്രമം പരാജയപ്പെട്ടു.

കോതമംഗലം : കവളങ്ങട് പഞ്ചായത്തിലെ ജനവാസ മേഖലയിൽ നിന്ന് കാട്ടാനകളെ തുരത്താൻ വനം വകുപ്പ് ഇന്ന് നടത്തിയ ശ്രമം പരാജയപ്പെട്ടു. ചാരുപാറ ഭാഗത്തു നിന്നും പടക്കം പൊട്ടിച്ചും ബഹളം വച്ചും ആനയെ ഓടിച്ചെങ്കിലും ഇഞ്ചത്തൊട്ടിയിലേക്ക് പോകാതെ ആനകൾ കൂവപ്പാ ഭാഗത്തേക്ക് തിരികെ ഓടി കാട്ടിലേക്ക് മറയുകയായിരുന്നു.

ഇഞ്ചത്തൊട്ടി വനമേഖലയിൽ നിന്ന് പെരിയാർ കടന്നാണ് മൂന്ന് ആനകൾ കവളങ്ങാട് പഞ്ചായത്തിലെ ജനവാസ മേഖലയിൽ എത്തിയിട്ടുള്ളത്. പഞ്ചായത്ത് പ്രസിഡൻ്റ് സിബി മാത്യു, റേഞ്ച് ഓഫീസർ PA ജലീൽ എന്നിവരുടെ നേതൃത്വത്തിൽ വാച്ചർമാരും, നാട്ടുകാരും ഉൾപ്പെടെ അമ്പതോളം പേരാണ് ദൗത്യസംഘത്തിലുള്ളത്.