Connect with us

Hi, what are you looking for?

NEWS

നേര്യമംഗലം സ്വദേശിക്ക് കോവിഡ് സ്ഥിരീകരിച്ചു; സമ്പർക്ക പട്ടിക തയ്യാറാക്കുന്നു, ജനങ്ങളുടെ പൂർണ്ണ സഹകരണം അഭ്യർത്ഥിച്ച് ആൻ്റണി ജോൺ എംഎൽഎ

കോതമംഗലം:-നേര്യമംഗലം വില്ലേജിൽ സമ്പർക്കത്തിലൂടെയുള്ള കോവിഡ് കേസ് റിപ്പോർട്ട് ചെയ്ത സാഹചര്യത്തിൽ നേര്യമംഗലം സാമൂഹ്യ ആരോഗ്യ കേന്ദ്രത്തിൽ വച്ച് ആന്റണി ജോൺ എംഎൽഎയുടെ അധ്യക്ഷതയിൽ അടിയന്തിര യോഗം ചേർന്നു.ആലുവ കീഴ്മാട് പഞ്ചായത്തിൽ വിവാഹവുമായി ബന്ധപ്പെട്ട ചടങ്ങിൽ പങ്കെടുക്കാൻ പോയ വ്യക്തിക്കാണ് രോഗം സ്ഥിതീകരിച്ചത്.നേര്യമംഗലത്ത് ഉണ്ടായിട്ടുള്ള പ്രത്യേക സാഹചര്യം കണക്കിലെടുത്ത് സർക്കാർ നിർദേശങ്ങൾ കർശനമായി പാലിക്കുവാൻ ജനങ്ങളുടെ പൂർണ്ണ സഹകരണം വേണമെന്ന് എംഎൽഎ അഭ്യർത്ഥിച്ചു.

swamy

നേര്യമംഗലം വില്ലേജിലെ കടകൾ രാവിലെ 7 മണി മുതൽ വൈകിട്ട് 6 മണി വരെ മാത്രമെ തുറന്ന് പ്രവർത്തിക്കാവൂ,കടകളിൽ എത്തുന്നവരുടെ പേരും വിലാസവും ഫോൺ നമ്പരും രേഖപ്പെടുത്തിയ രജിസ്റ്ററുകൾ മുഴുവൻ കടകളിലും സൂക്ഷിക്കുക,എല്ലാ കടകളിലും സാനിറ്റൈസർ കരുതുകയും,മാസ്ക്,സാമൂഹ്യ അകലം എന്നിവ കർശനമായും പാലിച്ചുകൊണ്ട് കടകളിൽ ഉപഭോക്താക്കളുടെ എണ്ണം നിയന്ത്രിക്കുക,പോലീസ്-ആരോഗ്യ വകുപ്പുകളുടെ പരിശോധന കർശനമാക്കുക,വ്യാപാര സ്ഥാപനങ്ങൾക്ക് മുന്നറിയിപ്പ് നിർദേശങ്ങൾ നൽകുക,എ റ്റി എം കൗണ്ടറുകളിൽ സാനിറ്റൈസർ സൗകര്യം ഏർപ്പെടുത്തുക,നേര്യമംഗലം ജില്ലാ കൃഷി ഫാമിൽ തൊഴിലാളികളുടെ എണ്ണം ക്രമീകരിച്ച് പരിമിതപ്പെടുത്തുക,ഫയർ ഫോഴ്സിന്റെ സഹായത്തോടെ പ്രദേശത്തെ അണു നശീകരണം ഏർപ്പെടുത്തുക,നേര്യമംഗലം സാമൂഹ്യ ആരോഗ്യ കേന്ദ്രത്തിൽ മറ്റ് രോഗികളുമായി സമ്പർക്കം ഉണ്ടാകാത്ത തരത്തിൽ പനി രോഗികൾക്കായി പ്രത്യേക ക്ലിനിക്ക് ഏർപ്പെടുത്തുവാനും,കോവിഡുമായി ബന്ധപ്പെട്ടെടുക്കേണ്ട മുൻകരുതലുകളെ കുറിച്ചും സുരക്ഷാ ക്രമീകരണങ്ങളെ സംബന്ധിച്ചും വില്ലേലേജിലുടനീളം മൈക്ക് അനൗൺസ്മെന്റ് നടത്തുവാനും യോഗത്തിൽ തീരുമാനമായി.

വളരെ അത്യാവശ്യ കാര്യങ്ങൾക്ക് മാത്രമെ ജനങ്ങൾ വീടുകളിൽ നിന്ന് പുറത്തിറങ്ങാവൂ എന്നും പുറത്തിറങ്ങുന്നവർ നിർബന്ധമായും മാസ്ക് ധരിക്കുകയും,ശാരീരിക അകലം പാലിക്കുകയും ചെയ്യണമെന്ന് എംഎൽഎ പറഞ്ഞു.നേര്യമംഗലം വില്ലേജിൽ കോവിഡ് 19 കേസ് സ്ഥിതീകരിച്ച സാഹചര്യത്തിൽ ജനങ്ങൾക്ക് ഭീതി വേണ്ടെന്നും,കൃത്യമായ ജാഗ്രതയാണ് വേണ്ടതെന്നും,യോഗ തീരുമാനങ്ങളും ബന്ധപ്പെട്ട വകുപ്പുകൾ നൽകുന്ന നിർദേശങ്ങളും കർശനമായി പാലിക്കുവാൻ ജനങ്ങളുടെ പൂർണ സഹകരണം വേണമെന്നും എംഎൽഎ അഭ്യർത്ഥിച്ചു.

യോഗത്തിൽ ജില്ലാ പഞ്ചായത്ത് മെമ്പർ സൗമ്യ ശശി,ബ്ലോക്ക് പഞ്ചായത്ത് മെമ്പർ സെലിൻ ജോൺ,മെഡിക്കൽ ഓഫീസർമാരായ ഡോക്ടർ ലുസീന ജോസഫ്,ഡോക്ടർ അഭിലാഷ് കൃഷ്ണൻ,ഹെൽത്ത് ഇൻസ്പെക്ടർ ജഗദീഷ് എം എൻ,ഊന്നുകൽ എസ്ഐ സി പി ബഷീർ,ഗ്രാമപഞ്ചായത്ത് മെമ്പർമാരായ എ ജെ ഉലഹന്നാൻ,അനീഷ് മോഹനൻ,സൈജന്റ് ചാക്കോ,ആശുപത്രി മാനേജ് കമ്മിറ്റി അംഗങ്ങൾ,സി പി ഐ എം ഏരിയ സെക്രട്ടറി ഷാജി മുഹമ്മദ് തുടങ്ങിയവർ പങ്കെടുത്തു.

You May Also Like

ACCIDENT

കവളങ്ങാട്: ബൈക്കും ബസും കൂട്ടിയിടിച്ച് ബൈക്ക് യാത്രികർ മരിച്ചു. പല്ലാരിമംഗലം പഞ്ചായത്ത് അഞ്ചാം വാർഡിൽ താമസിക്കുന്ന പൈമറ്റം പുതുപ്പറമ്പിൽ മനു മണിയപ്പൻ (24), ഇഞ്ചൂർ കരയിൽ ഓലിക്കൽ വീട്ടിൽ ഹണി സേവ്യർ (24)...

NEWS

കോതമംഗലം : നേര്യമംഗലം കാഞ്ഞിരവേലിയില്‍ കാട്ടാന ആക്രമണത്തില്‍ കൊല്ലപ്പെട്ട ഇന്ദിരയുടെയുടെ കുടുംബത്തിന് പത്ത് ലക്ഷം കൈമാറി. കുടുംബത്തെ മന്ത്രി പി. രാജീവിനൊപ്പം നേരില്‍ സന്ദര്‍ശിച്ചുവെന്ന് മന്ത്രി റോഷി അഗസ്റ്റിൻ പറഞ്ഞു.ഇന്ദിരയുടെ ഭര്‍ത്താവ് രാമകൃഷ്ണന്റെയും...

NEWS

കോതമംഗലം :ദേശീയപാത നവീകരണവുമായി ബന്ധപ്പെട്ട്‌ കോതമംഗലം നഗരസഭ പരിധിയിലും, കവളങ്ങാട്‌ ഗ്രാമപഞ്ചായത്തിലും ഉണ്ടായിട്ടുള്ള കുടിവെള്ള വിതരണത്തിലെ തടസ്സങ്ങള്‍ അടിയന്തിരമായി പരിഹരിക്കുന്നതിന്‌ ദേശീയപാത അതോറിറ്റി തയ്യാറാകണമെന്ന്‌ കോതമംഗലം താലൂക്ക്‌ വികസന സമിതി യോഗം ആവശ്യപ്പെട്ടു....

NEWS

കോതമംഗലം : കവളങ്ങട് പഞ്ചായത്തിലെ ജനവാസ മേഖലയിൽ നിന്ന് കാട്ടാനകളെ തുരത്താൻ വനം വകുപ്പ് ഇന്ന് നടത്തിയ ശ്രമം പരാജയപ്പെട്ടു. ചാരുപാറ ഭാഗത്തു നിന്നും പടക്കം പൊട്ടിച്ചും ബഹളം വച്ചും ആനയെ ഓടിച്ചെങ്കിലും...