പെരുമ്പാവൂർ : വീട്ടമ്മയുടെ മരണം കൊലപാതകമെന്ന് പോലീസ് നടത്തിയ അന്വേഷണത്തിൽ തെളിഞ്ഞു, ഭർത്താവ് അറസ്റ്റിൽ. ആനപ്പാറ അരിക്കൽ വീട്ടിൽ ജോയി (60) യെയാണ് കാലടി പോലീസ് അറസ്റ്റ് ചെയ്തത്. ഭാര്യയായ മിനിയെ കൊലപ്പെടുത്തുകയായിരുന്നുവെന്ന് ചോദ്യം ചെയ്യലിൽ പോലീസിനോട് സമ്മതിച്ചു. പാർക്കിൻസൺസ് രോഗിയായ മിനി ഹാളിൽ വീഴുകയായിരുന്നു. ഇതു കണ്ടുവന്ന ഇയാള്‍ ഭാര്യയെ തോർത്ത് കൊണ്ട് കഴുത്തിൽ ചുറ്റി വലിച്ച് മുറിയിലെ കട്ടിലിലേക്കിട്ടൂ. അസുഖം മൂലം മരണപ്പെട്ടുവെന്നാണ് ഇയാൾ ആദ്യം പറഞ്ഞത്. ഇൻസ്പെക്ടർ എൻ.എ അനൂപ്, എസ്.ഐമാരായ കെ.എ പോളച്ചൻ , ഹരീഷ്, റോജോമോൻ, സി.പി..ഒ മനോജ്, രഞ്ജിത്ത് തുടങ്ങിയവരാണ് അന്വേഷണ സംഘത്തിലുള്ളത്.
