മൂവാറ്റുപുഴ: വാഴക്കുളത്ത് നിയന്ത്രണം നഷ്ടപ്പെട്ട ലോറി സ്കൂട്ടറില് ഇടിച്ചുണ്ടായ അപകടത്തില് സ്കൂട്ടര് യാത്രക്കാരിയായ വീട്ടമ്മയ്ക്ക് ദാരുണാന്ത്യം. മൂവാറ്റുപുഴ 130 ജംഗ്ഷന് കണ്ടത്തില് മൂസയുടെ ഭാര്യ അനീഷ (46) ആണ് മരിച്ചത്. ഞായറാഴ്ച രാവിലെ 7 ഓടെ മൂവാറ്റുപുഴ തൊടുപുഴ റോഡില് വാഴക്കുളത്താണ് അപകടമുണ്ടായത്. തൊടുപുഴ ഭാഗത്തുനിന്നും മൂവാറ്റുപുഴ ഭാഗത്തേക്ക് വരികയായിരുന്ന അങ്കമാലിയിലെ റൈസ് കമ്പനിയുടെ ലോറി നിയന്ത്രണം നഷ്ടപ്പെട്ട് എതിര്ദിശയില് വരികയായിരുന്ന അനീഷ സഞ്ചരിച്ച സ്കൂട്ടറിലേക്ക് ഇടിക്കുകയായിരുന്നു. അനീഷയുടെ മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും. വാഴക്കുളം പോലീസ് സ്ഥലത്തെത്തി മേല്നടപടികള് സ്വീകരിച്ചു.
