മണ്ണിലലിഞ്ഞവർക്ക് ആദരം അർപ്പിച്ചു ഡാവിഞ്ചി സുരേഷ്.

• ഏബിൾ. സി. അലക്സ്‌

കോതമംഗലം : തുടർച്ചയായി പിന്തുടരുന്ന ദുരന്ത വാർത്തകളുടെ ഓർമ്മകൾ വേട്ടയാടുമ്പോഴും ഒന്നും സംഭവിക്കരുതേ എന്ന് പ്രാർത്ഥിക്കുകയാണ് പ്രശസ്ത ചിത്രകാരനും, ശില്പിയുമായ ഡാവിഞ്ചി സുരേഷ്. മൂന്നാർ, രാജമല പെട്ടിമുടിയിൽ പ്രകൃതി ദുരന്തത്തിൽ മൺകച്ചയണിഞ്ഞു, മണ്ണിലലിഞ്ഞവർക്കും, കരിപ്പൂർ വിമാനപകടത്തിൽ മരണപെട്ടവർക്കും ആദരാഞ്ജലികൾ അർപ്പിക്കുകയാണ് ഡാവിഞ്ചി. പെട്ടിമുടിയിലെ നടുക്കുന്ന, വേദനിപ്പിക്കുന്ന വാർത്തകളുടെ ആത്മസംഘർഷവും, കാണാൻ വയ്യാത്ത ആ കാഴ്ചയുടെ സൃഷ്ടി കളിമണ്ണിൽ തീർത്തിരിക്കുകയാണ് ഈ കലാകാരൻ.

ഈ കളിമൺ സൃഷ്ട്ടിയിലൂടെ രാജമലയിലെ പ്രകൃതി ദുരന്തത്തിലും, കരിപ്പൂരിലെ വിമാന അപകടത്തിലും മരണപ്പെട്ടവർക്ക് ആദരാഞ്ജലികൾ അർപ്പിക്കുകയാണിദ്ദേഹം.