കോതമംഗലം : തടിക്കക്കടവിൽ കാറിനു നേരെ സ്ഫോടക വസ്തു എറിഞ്ഞ കേസിൽ നാല് പേർ കൂടി അറസ്റ്റിൽ . ആലുവ പൈപ്പ് ലൈൻ മഠത്തിപ്പറമ്പിൽ യാസർ അറാഫത്ത് (20) മാഞ്ഞാലി കുന്നുംപുറം കുറ്റിയാറ വീട്ടിൽ അനൂപ് (29) ഊന്നുകൽ തലക്കോട് മറ്റത്തിൽ ബെയ്സിൽ ബോസ് (23) ആലങ്ങാട് ചീനിവിള ആഷ്ലിൻ ഷാജി (22) എന്നിവരെയാണ് ആലങ്ങാട് പോലീസ് അറസ്റ്റ് ചെയ്തത്. വെളിയത്തു നാട് ചെത്തിക്കാട് വീട്ടിൽ സുഹൈബ് (21), കോട്ടപ്പുറം മാമ്പ്ര പള്ളത്ത് വീട്ടിൽ താരിസ് (31) എന്നിവരെ നേരത്തെ അറസ്റ്റ് ചെയ്തിരുന്നു. കഴിഞ്ഞ ഒന്നിന് പുലർച്ചെയാണ് സംഭവം. റയോൺപുരം സ്വദേശി ബിജുവാണ് കാർ ഓടിച്ചിരുന്നത്. ഡ്രൈവർ പരിക്കേൽക്കാതെ രക്ഷപ്പെട്ടു.
ജില്ലാ പോലീസ് മേധാവി കെ.കാർത്തിക്കിൻറെ നേതൃത്ത്വത്തിൽ ഡി.വൈ.എസ്.പി പി,കെ. ശിവൻകുട്ടി, എസ്.എച്ച്. ഒ കെ. ഉണ്ണികൃഷ്ണൻ , എസ്.ഐ വേണുഗോപാലൻ, എ.എസ്.ഐ മാരായ സജിമോൻ, ബിനോജ്, സുഭാഷ്, എസ് സി.പി.ഒ മാരായ സജിത്, സിറാജുദീൻ, കെവിൻ എന്നിവരാണ് അന്വഷണ സംഘത്തിലുള്ളത്. സംഭവത്തെക്കുറിച്ചുള്ള അന്വേഷണം വ്യാപിപ്പിച്ചിട്ടുണ്ടെന്ന് എസ്.പി കാർത്തിക് പറഞ്ഞു.
