കോതമംഗലം: ആലുവ–മൂന്നാർ രാജപാത പുൻസ്ഥാപിക്കണമെന്ന ദീർഘാകാലമായുള്ള നാടിന്റെ ആവശ്യത്തിന് പ്രതീക്ഷ പകർന്ന് വനംവകുപ്പ് മന്ത്രി ഷിബു ബേബി ജോൺ എത്തുന്നു. സ്ഥലം സന്ദർശിച്ച് അനുകൂല നിലപാട് എടുക്കണമെന്ന ഷിബു തെക്കുംപുറം എം എൽ എ യുടെ അഭ്യർത്ഥന മാനിച്ചാണ് മന്ത്രി എത്തുന്നത്.
കോതമംഗലത്തിന്റെ ടൂറിസത്തിനും ഇടമലക്കുടി ഉൾപ്പെടെയുള്ള പ്രദേശങ്ങളുടെ വികസനവും സാധ്യമാക്കുന്ന പദ്ധതി ദീർഘകാലമായി കോതമംഗലത്തിന്റെ ആവശ്യമാണ്. ഈ മാസം 8 ന് 8 മണിക്ക് മന്ത്രിയോടൊപ്പം എം പി ഡീൻ കുര്യാക്കോസ്, ദേവികുളം എം എൽ എ F. രാജ, കുട്ടമ്പുഴ പഞ്ചായത്ത് ഭരണസമിതി അംഗങ്ങൾ എന്നിവരും ഉണ്ടാകും.
സന്ദർശനത്തിന് മുന്നോടിയായി 7-ന് വൈകിട്ട് 6 മണിക്ക് കോതമംഗലം പി.ഡബ്ല്യു.ഡി. റെസ്റ്റ് ഹൗസിൽ വച്ച് മന്ത്രി ജനപ്രതിനിധികളുമായും, കർഷക സംഘടനകളുടെ നേതാക്കളുമായും ചർച്ച നടത്തുമെന്നും ഷിബു തെക്കുംപുറം എം എൽ എ അറിയിച്ചു
