പെരുമ്പാവൂർ : കോവിഡ് രണ്ടാംവ്യാപനവും തുടർച്ചയായുണ്ടായ മഴയും മൂലം നിർമാണം പുനരാരംഭിക്കാൻ വൈകിയ ആലുവ – മൂന്നാർ റോഡ് കുഴിയടക്കൽ അടിയന്തിര നടപടിക്ക് ടെണ്ടർ നടപടികൾ പൂർത്തിയായതായി എൽദോസ് കുന്നപ്പിള്ളി എം എൽ എ അറിയിച്ചു.
ടാർ ഇളകി വലിയ കുഴികൾ രൂപപ്പെട്ടതോടെ വാഹന ഗതാഗതം ദുരിതമാകുകയായിരുന്നു. ഈ റോഡിൽ ഇരു ചക്ര വാഹനങ്ങൾക്ക് തുടരെ അപകടം സംഭവിക്കുകയും പതിവായിരുന്നു.
ആലുവാ- മൂന്നാർ റോഡിൽ പെരുമ്പാവൂർ പിഡബ്ല്യുഡി സെക്ഷന് കീഴെയുള്ള പാലക്കാട്ട്താഴംപാലം മുതൽ ഇരിങ്ങോൾ റോട്ടറി ക്ലബ് വരെയുള്ള ഭാഗം കഴിഞ്ഞ ദിവസം ടാർ ചെയ്തു കുഴികൾ അടച്ചിരുന്നു. ആലുവാ- മൂന്നാർ റോഡിൽ പെരുമ്പാവൂർ നിയോജക മണ്ഡലത്തിലെ കുറുപ്പംപടി സെക്ഷന് കീഴെയുള്ള ചൈനേജ് 20/00 മുതൽ 28/00 വരെയുള്ള ഭാഗത്തെ അടിയന്തിര കുഴിയടക്കൽ നടപടിക്ക് EST/1061/19/2021 നടപടി പ്രകാരം ടെണ്ടറായി. 8.81 ലക്ഷം രൂപയാണ് അനുവദിക്കപ്പെട്ടത്. അടുത്ത ആഴ്ച 15/12/2021 ടെണ്ടർ ഓപ്പൺ ചെയ്യുമെന്ന് എം.എൽ.എ. എൽദോസ് കുന്നപ്പിള്ളി വാർത്താക്കുറിപ്പിൽ അറിയിച്ചു.
ഇതിനോടൊപ്പം തന്നെ ശബരിമല പാക്കേജിൽ ഉൾപെടുത്തി 7 കോടി അനുവദിച്ചിരുന്നു. ഈ തുക ഉപയോഗിച്ച് ബാക്കി വരുന്ന റോഡിൽ ആവശ്യമായിടങ്ങളിൽ റോഡ് ഉയർത്തലും ഡ്രെയിനേജ് നിർമ്മിക്കലും BM&BC നിലവാരത്തിൽ ഉപരിതലം ടാറിംഗ് നടത്തുന്ന പ്രവൃത്തികളുമാണ് ഉൾപ്പെടുത്തിയിട്ടുള്ളത്. സാങ്കേതിക അനുമതി ലഭ്യമാക്കി ,പ്രവര്ത്തി അടിയന്തിരമായി ടെന്ഡര് ചെയ്യുന്നതിന് പൊതുമരാമത്ത് നിരത്ത് വിഭാഗം സൂപ്രണ്ടിംഗ് എന്ജിനീയര്ക്ക് നിര്ദ്ദേശം നല്കിയതായി എൽദോസ് കുന്നപ്പിള്ളി എം എൽ എ.
