പല്ലാരിമംഗലം : പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി സി പി ഐ എം സംസ്ഥാന കമ്മിറ്റിയുടെ ആഹ്വാന പ്രകാരം എല്ലാ പാർട്ടി ബ്രാഞ്ച് കേന്ദ്രങ്ങളിലും നടത്തുന്ന മഴക്കാല പൂർവ്വ ശുചീകരണ പ്രവർത്തനം അടിവാട് ഈസ്റ്റ് ബ്രാഞ്ചിൽ റിട്ടയേർഡ് പോലീസ് സബ് ഇൻസ്പെക്ടർ കെ എ മുഹമ്മദ് ഉദ്ഘാടനം ചെയ്തു.
ബ്ലോക് പഞ്ചായത്തംഗം ഒ ഇ അബ്ബാസ്, ബ്രാഞ്ച് സെക്രട്ടറി പി എം സിയാദ്, മുൻ ബ്രാഞ്ച് സെക്രട്ടറി പി എം കബീർ, ഡി വൈ എഫ് ഐ യൂണിറ്റ് സെക്രട്ടറി എൽദോസ് ലോമി, പ്രസിഡന്റ് കെ എ റെയ്ഷാൻ, എം എം ഷംസുദ്ധീൻ എന്നിവർ നേതൃത്വം നൽകി. ശുചീകരണ ശേഷം അടിവാട് തെക്കേ കവല അണു വിമുക്തമാക്കുന്ന പ്രവർത്തനവും നടത്തി.
