കോട്ടപ്പടി ഈസ്റ്റ് സർവ്വീസ് സഹകരണ ബാങ്കിന്റെ നവീകരിച്ച ചേറങ്ങനാൽ ബ്രാഞ്ച് മന്ദിരം ഉത്ഘാടനം ചെയ്തു.

കോതമംഗലം: കോട്ടപ്പടി ഈസ്റ്റ് സർവ്വീസ് സഹകരണ ബാങ്കിന്റെ നവീകരിച്ച ചേറങ്ങനാൽ ബ്രാഞ്ച് മന്ദിരം സഹകരണ – ദേവസ്വം – ടൂറിസം വകുപ്പ് മന്ത്രി കടകംപിള്ളി സുരേന്ദ്രൻ ഉത്ഘാടനം ചെയ്തു. ആന്റണി ജോൺ MLA അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് റഷീദ സലിം പുതിയ കമ്മിറ്റി ഹാൾ ഉത്ഘാടനം ചെയ്തു. കോട്ടപ്പടി ഗ്രാമപഞ്ചായത്ത് പ്രസിഡന്റ് സാന്ത്വന പരിപാലന പദ്ധതി ഉത്ഘാടനം ചെയ്തു. ബാങ്ക് പ്രസിഡന്റ് K S സുബൈർ സ്വാഗതം ആശംസിച്ചു.

35 വർഷത്തെ സേവനത്തിന് ശേഷം സർവ്വീസിൽ നിന്ന് വിരമിക്കുന്ന ബാങ്ക് സെക്രട്ടറി A T വത്സ, സെയിൽസ് മാനേജർ VD മോഹനൻ, ജില്ലയിലെ മികച്ച വില്ലേജ് ആഫീസർ പുരസ്ക്കാരം P M റഹിം എന്നിവർക്ക് ഉപഹാരം നല്കി. മുൻ ബാങ്ക് പ്രസിഡന്റ് മാർ ആദ്യകാല അംഗങ്ങൾ എന്നിവരെ ആദരിച്ചു. R അനിൽകുമാർ, M K എൽദോസ് , D കോര, OK ശലോൺ .M A സുരേന്ദ്രൻ, അഖിൽ സുധാകരൻ, എന്നിവർ സംസാരിച്ചു.