കോതമംഗലം: യുവാവിനെ ആക്രമിച്ച് പരിക്കേല്പ്പിച്ച കേസില് ഒളിവില് കഴിഞ്ഞപ്രതി അറസ്റ്റില്. ഇരമല്ലൂര് കുറ്റിലഞ്ഞി പുതുപ്പാലം ഏരംതുരുത്തില് ഫസല് മെഹബൂബ് (30) നെയാണ് കോതമംഗലം പോലീസ് അറസ്റ്റ് ചെയ്തത്. കഴിഞ്ഞ സെപ്റ്റംബറില് പുതുപ്പാലം ഭാഗത്തുള്ള പ്ലൈവുഡ് കമ്പനിയിലായിരുന്നു ആക്രമണം. കമ്പനി വിറ്റ വകയിലെ രണ്ടാം ഗഡു പണം ചോദിച്ചതിലുള്ള വിരോധമാണ് ആക്രമണത്തിനു കാരണം.
പരാതിക്കാരനായ യുവാവിന്റെയും ആക്രമണത്തില് ഉള്പ്പെട്ടയാളുടെയും പേരിലുളള കമ്പനി സമീപകാലത്ത് മറ്റൊരാള്ക്ക് വിറ്റിരുന്നു. ഇപ്പോള് അറസ്റ്റിലായ ഫസല് മെഹബൂബും മറ്റ് ഏഴ് പേരടങ്ങിയ സംഘവും പരിക്കേറ്റ യുവാവിനെയും ബന്ധുക്കളെയും കമ്പനി വിറ്റ വകയില് കൊടുക്കാനുള്ള പണത്തിന്റെ കാര്യം സംസാരിക്കുന്നതിനായി കമ്പനിയിലേക്ക് വിളിച്ചു വരുത്തി ആക്രമിക്കുകയായിരുന്നു.
എസ് ഐ കെ.എച്ച്.ഹാഷിം, എസ് സി പി ഒ മാരായ ഫൈസല്, റെനീഷ്, സിപിഒ ദയേഷ് എന്നിവരാണ് അന്വേഷണസംഘത്തില് ഉണ്ടായിരുന്നത്.




















































