കോതമംഗലം: ഫയർ ആൻഡ് റസ്ക്യൂ സർവീസ് കോതമംഗലം നിലയത്തിലെ സിവിൽ ഡിഫൻസ് വോളണ്ടിയർമാർക്ക് അനുവദിച്ച യൂണിഫോം ഷിബു തെക്കുംപുറം എംഎൽഎ വിതരണം ചെയ്തു. കോതമംഗലം അഗ്നി രക്ഷാ നിലയത്തൽ നടന്ന ചടങ്ങിൽ സ്റ്റേഷൻ ഓഫീസർ മുഹമ്മദ് അജ്മൽ ഷാ അധ്യക്ഷതവഹിച്ചു.
അസിസ്റ്റന്റ് സ്റ്റേഷൻ ഓഫീസർ, എം. അനിൽകുമാർ, സിവിൽ ഡിഫൻസ് കോഡിനേറ്റർ വി.എം ഷാജി, നിലയത്തിലെ ജീവനക്കാർ, സിവിൽ വോളണ്ടിയർമാർ എന്നിവർ പങ്കെടുത്തു. ചടങ്ങിൽ നിലയത്തിലെ ഹോം ഗാർഡുകൾക്കായി അനുവദിച്ച പേഴ്സണൽ പ്രൊട്ടക്റ്റീവ് എക്യുമെൻസ് എംഎൽഎ വിതരണം നടത്തി.
അഗ്നി രക്ഷാ പ്രവർത്തനങ്ങളിൽ അഗ്നി രക്ഷാ സേനയോടൊപ്പം യാതൊരു പ്രതിഫലവും ഇല്ലാതെ സേവനം ചെയ്യുന്ന കോതമംഗലം നിലയത്തിലെ 150 ഓളം വരുന്ന സിവിൽ ഡിഫൻസ് വോളണ്ടിയർമാക്കാണ് യൂണീഫോം നൽകിയത്.
