കോതമംഗലം: മുസ്ലിം ലീഗ് കോതമംഗലം നിയോജക മണ്ഡലം സമ്മേളനം ‘ഇത്തിഹാദ് 2കെ26’ സംഘടിപ്പിച്ചു. കോതമംഗലം കലാ ഓഡിറ്റോറിയത്തില്‍ നടന്ന സമ്മേളനം മുസ്ലിം ലീഗ് സംസ്ഥാന ജനറല്‍ സെക്രട്ടറി അഡ്വ. പി.എം.എ സലാം ഉദ്ഘാടനം ചെയ്തു. ഭരണഘടനയും വിശ്വാസ സ്വാതന്ത്ര്യവും എന്ന വിഷയത്തില്‍ അഡീഷണല്‍ അഡ്വക്കേറ്റ് ജനറല്‍ അഡ്വ. മുഹമ്മദ് ഷാ സെമിനാര്‍ നയിച്ചു. ഷിബു തെക്കുംപുറം എംഎല്‍എ സമ്മേളനത്തില്‍ മുഖ്യാതിഥിയായിരുന്നു.
മുസ്ലീം ലീഗ് സംസ്ഥാന സെക്രട്ടറിയേറ്റ് അംഗം കെ.എം അബ്ദുള്‍മജീദ്, ജില്ലാ പ്രസിഡന്റ് എന്‍.വി.സി അഹമ്മദ്, ജന. സെക്രട്ടറി എം.പി അഷ്‌റഫ് മൂപ്പന്‍, ട്രഷറര്‍ കെ.എച്ച് മുഹമ്മദ് കുഞ്ഞ്, വൈസ് പ്രസിഡന്റ് ഇബ്രാഹിം കവല, പി.കെ അബ്ബാസ്, കെ.എം ഹസൈനാര്‍,സെക്രട്ടറി പി.എം മൊയ്തീന്‍, മുസ്ലിം ലീഗ് നിയോജക മണ്ഡലം പ്രസിഡന്റ് പി.എം സക്കരിയ, ജനറല്‍ സെക്രട്ടറി കെ മുഹമ്മദ്, ഇഖ്ബാല്‍, ട്രഷറര്‍ പി.എം എ കരീം, പല്ലാരിമംഗലം പഞ്ചായത്ത് പ്രസിഡന്റ് പി.കെ മൊയ്തു, എം.എം അഷ്‌റഫ്, എ.കെ ഷാജഹാന്‍ തുടങ്ങിയവര്‍ പ്രസംഗിച്ചു. പഠന ക്ലാസ്, പ്രതിനിധി സമ്മേളനം, ജനപ്രതിനിധി സംഗമം, മുതിര്‍ന്ന നേതാക്കളെ ആദരിക്കല്‍, ഇശല്‍ നൈറ്റ് എന്നിവയും സമ്മേളനത്തിന്റെ ഭഭാഗമായി സംഘടിപ്പിച്ചു. സിദ്ധീഖലി രാങ്ങാട്ടൂര്‍, അഡ്വ. നജ്മ തബ്ഷീറ എന്നിവര്‍ പഠന ക്ലാസിന് നേതൃത്വം നല്‍കി.
