കോതമംഗലം : കേരളത്തിലെ ലഹരിയുടെ ഉല്പാദനവും വിപണനവും ഉപയോഗവും കുറയ്ക്കുന്നതിന് പുതിയ മദ്യനയത്തില് ഘട്ടം ഘട്ടമായി മദ്യശാലകളുടെ എണ്ണം കുറച്ചു കൊണ്ടുവരുന്നതിന് നടപടികള് സ്വീകരിക്കണമെന്ന് കെ.സി.ബി.സി. മദ്യ-ലഹരി വിരുദ്ധസമിതി കോതമംഗലം റീജിണല് നേതൃത്വയോഗം ഗവണ്മെന്റിനോട് ആവശ്യപ്പെട്ടു.
ഗ്രാമസഭകള് വഴി തൂഫാന് പ്രവര്ത്തനം വീടുകളിലേക്ക് എത്തിക്കുന്നതിനുള്ള ഗവണ്മെന്റ് തീരുമാനത്തിന് യോഗം ഐക്യദാര്ഢ്യം പ്രഖ്യാപിച്ചു.
കത്തീഡ്രല് പാരീഷ്ഹാളില് നടന്ന യോഗം കെ.സി.ബി.സി. മദ്യ-ലഹരി വിരുദ്ധ സമിതി സംസ്ഥാന മധ്യമേഖല പ്രസിഡന്റ് ജെയിംസ് കോറമ്പേല് ഉദ്ഘാടനം ചെയ്തു. റീജിണല് പ്രസിഡന്റ് ജോയി പടയാട്ടില് അദ്ധ്യക്ഷത വഹിച്ചു. രൂപത ജനറല് സെക്രട്ടറി ജോണി കണ്ണാടന്, ജോസ് കൈതമന, മാര്ട്ടിന് കീഴേമാടന്, കെ.വി. ഏണസ്റ്റ്, മാത്യു ആന്റോ, പോള് കൊങ്ങാടന്, ജോര്ജ് കൊടിയാറ്റ്, സാജന് അമ്പാട്ട്, ജോയി പനയ്ക്കല് എന്നിവര് പ്രസംഗിച്ചു.
