കോതമംഗലം: തട്ടേക്കാട് പക്ഷിസങ്കേതത്തിന് സമീപത്തെ ഫോറസ്റ്റ് ചെക്ക് പോസ്റ്റിൻ്റെ ക്രോസ് ബാറില്‍ തലയിടിച്ച് ബൈക്ക് യാത്രികനായ ഇടുക്കി സ്വദേശി യുവാവ് മരിച്ചു. കഞ്ഞിക്കുഴി ആല്‍പ്പാറ വഴേപ്പറമ്പില്‍ മോന്‍സി ജോര്‍ജ് (48) ആണ് മരിച്ചത്.
ബുധനാഴ്ച രാത്രി 11.40നാണ് അപകടം. ചെക്കുപോസ്റ്റ് ക്രോസ് ബാറില്‍ തല ഇടിച്ച് റോഡിലേക്ക് തെറിച്ചു വീണ് രക്തംവാര്‍ന്ന മോൻസിയെ ആംബുലന്‍സില്‍ കോതമംഗലത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല . കുട്ടമ്പുഴ പൂയംകുട്ടിയിൽ വാഹനാപകടത്തില്‍ മരിച്ച സുഹൃത്തിൻ്റെ വീട്ടിൽപോയി അന്തിമോപചാരം അര്‍പ്പിച്ച് മടങ്ങുന്നതിനിടയിലാണ് അപകടം. സംസ്‌കാരം നടത്തി. ചേലച്ചുവടില്‍ ഹോട്ടല്‍ ജീവനക്കാരനായിരുന്നു. പരേതരായ ജോര്‍ജ് -ലീലാമ്മ ദമ്പതികളുടെ മകനാണ്. സഹോദരങ്ങള്‍: ഗ്രേസി, ബിന്‍സി.
