കോതമംഗലം:നിർദ്ധിഷ്ട ചേലാട് അന്താരാഷ്ട്ര സ്റ്റേഡിയത്തിന് ഉമ്മൻ ചാണ്ടി യുടെ പേര് നൽകണമെന്ന് കോൺഗ്രസ് കോതമംഗലം മുൻസിപ്പൽ മണ്ഡലം കമ്മറ്റി ആവശ്യപ്പെട്ടു.
ഉമ്മൻചാണ്ടിയുടെ 3 -ാം ചരമ വാർഷികം അനുസ്മരണ സമ്മേളനത്തിലാണ് പ്രമേയം പാസാക്കിയത്. പാവങ്ങളുടെയും, പ്രശ്വവൽക്കരിക്കപ്പെട്ടവരുടെയും,സുരക്ഷക്കും നന്മക്കുമായി നിലകൊണ്ട നേതാവായിരുന്നു ഉമ്മൻ ചാണ്ടി എന്ന് അനുസ്മരിച്ചു. പാർട്ടി പ്രവർത്തകരെയും, ജനങ്ങളെയും ഹൃദയത്തോട് ചേർത്ത് വച്ച ജന നേതാവ് ആയിരുന്നു ഉമ്മൻ ചാണ്ടി എന്നും യോഗം അനുസ്മരിച്ചു.
അനുസ്മരണം സമ്മേളനം കെപിസിസി മെമ്പർ എ.ജി ജോർജ് ഉദ്ഘാടനം ചെയ്തു, കോൺഗ്രസ് കോതമംഗലം മുൻസിപ്പൽ മണ്ഡലം പ്രസിഡന്റ് പി.ആർ അജി അധ്യക്ഷത വഹിച്ചു. മുൻസിപ്പൽ മുൻ ചെയർമാൻ കെ.പി ബാബു മുഖ്യ പ്രഭാഷണം നടത്തി, മുൻസിപ്പൽ ചെയർപേഴ്സൻ ഭാനുമതി രാജു, ബ്ലോക്ക് പഞ്ചായത്ത് പ്രസിഡന്റ് ജെസ്സി സാജു, അബു മൊയ്ദീൻ, എം. എസ് എൽദോസ്, പി.സി ജോർജ്, അനൂപ് ജോർജ്, എൽദോസ് കീച്ചേരി ,പി.എം നവാസ്, ജോർജ് വർഗീസ് ഇസഡ് നജീബ്, വി.വി കുര്യൻ, പി. എം റഫീക്ക്, സലീം മംഗലപ്പാറ, വിനോയ് പുളിനാട്ട് എന്നിവർ പ്രസംഗിച്ചു
