കോതമംഗലം: തമിഴ്നാട് മാതൃകയില് കേരളത്തിലെ മദ്യശാലകളുടെ ദൂരപരിധി ആരാധനാലയങ്ങള്, വിദ്യാലയങ്ങള്, പൊതുശ്മശാനങ്ങള് എന്നിവയില് നിന്നും 200 മീറ്ററായി പുനഃസ്ഥാപിക്കണമെന്ന് കെസിബിസി മദ്യ-ലഹരി വിരുദ്ധസമിതി കോതമംഗലം രൂപത നേതൃത്വസംഗമം സംസ്ഥാന ഗവണ്മെന്റിനോട് ആവശ്യപ്പെട്ടു. കത്തീഡ്രല് പാരീഷ് ഹാളില് നടന്ന നേതൃത്വസംഗമം രൂപത ഡയറക്ടര് ഫാ. ജെയിംസ് ഐക്കരമറ്റം ഉദ്ഘാടനം ചെയ്തു. രൂപത പ്രസിഡന്റ് ജെയിംസ് കോറമ്പേല് അധ്യക്ഷനായി. കത്തീഡ്രല് വികാരി ഫാ. ഡോ. മാത്യു കൊച്ചുപുരയ്ക്കല് മുഖ്യപ്രഭാഷണം നടത്തി.
ലഹരിയുടെ വ്യാപനം തടയുന്നതിന് ശക്തമായ ബോധവത്കരണ നിയമനടപടികള് സ്വീകരിച്ച് യുവതലമുറയേയും വിദ്യാര്ഥിസമൂഹത്തേയും സംരക്ഷിക്കണമെന്നും കുടുംബങ്ങളുടെ തകര്ച്ച തടയണമെന്നും ആവശ്യപ്പെട്ടു. ജനറല് സെക്രട്ടറി ജോണി കണ്ണാടന്, ജോയ്സ് മുക്കുടം, സിജോ കൊട്ടാരത്തില്, ജോസ് കൈതമന, പോള് കൊങ്ങാടന്, സുനില് സോമന്, ജോയി പടയാട്ടില്, ബിജു വെട്ടിക്കുഴ, ജോമോന് പാറയ്ക്കല്, ജോമോന് ജേക്കബ്, കെ.വി ഏണസ്റ്റ്, മാര്ട്ടിന് കീഴേമാടന്, പി.എ ഇമ്മാനുവേല്, ജോയി പനയ്ക്കല്, ഷേര്ളി ചെറിയാന്, റോസിലി തോമസ്, കമില ജോഷി എന്നിവര് പ്രസംഗിച്ചു.
