കോതമംഗലം: കുട്ടമ്പുഴ വെള്ളാരംകുത്തിൽ കൃഷിയിടത്തില് കാട്ടാന ചരിഞ്ഞ സംഭവത്തിൽ സ്ഥല ഉടമ കുട്ടമ്പുഴ വെള്ളാരംകുത്ത് ആദിവാസി ഉന്നതിയിലെ പൊട്ടനാനിയില് ശശിയെ വനം വകുപ്പ് അറസ്റ്റ് ചെയ്തു.കുട്ടമ്പുഴ പഞ്ചായത്തിലെ വെള്ളാരംകുത്ത് ആദിവാസി ഉന്നതിയിൽ പൊട്ടനാനിയില് ശശിയുടെ ഉടമസ്ഥതയിലുള്ള പുരയിടത്തിൽ കഴിഞ്ഞ 11 നാണ് ഉദേശം 12 വയസ് പ്രായമുള്ള കൊമ്പന്റെ ജഡം കണ്ടത്. ജഡത്തിന് മൂന്ന് ദിവസത്തെ പഴക്കമുള്ളതായും വനം വകുപ്പ് വ്യക്തമാക്കിയിരുന്നു.
പന്നി പടക്കം പോലുള്ള സ്പോടവസ്തുകടിച്ചതാണെന്ന് ആനചരിയാൻ ഇടയാക്കിയതെന്ന് പോസ്റ്റുമോർട്ടത്തിൽ കണ്ടെത്തിയിരുന്നു.ആനയുടെ വായിൽ കാണപ്പെട്ട മുറിവിൽ നിന്നും രക്തംവാര്ന്നൊലിച്ച നിലയിലായിരുന്നു. ജഡം തിണ്ണകുത്ത് വനമേഖലയിലെത്തിച്ചാണ് മറവ് ചെയ്തത്. സംഭവസ്ഥലത്ത് എത്തിച്ച് തെളിവെടുപ്പ് നടത്തിയ സ്ഥല ഉടമ ശശിയെ രാത്രിയോടെ കോടെ കോടതിയിൽ ഹാജരാക്കും.
