കോതമംഗലം :തങ്കളം – കോഴിപ്പിള്ളി ബൈപാസ് ആദ്യ റീച്ചിൽ റോഡ് ലൈറ്റനിംഗ് സിസ്റ്റം നാടിന് സമർപ്പിച്ചു.ഉദ്ഘാടനം ആന്റണി ജോൺ എം എൽ എ നിർവഹിച്ചു.
4.5 കോടി രൂപ ചിലവഴിച്ച് നിർമ്മാണം പൂർത്തീകരിച്ച തങ്കളം – കോഴിപ്പിള്ളി ന്യൂ ബൈപാസിലെ ആദ്യ റീച്ചായ തങ്കളം മുതൽ കലാ ഓഡിറ്റോറിയം വരെയുള്ള ബൈപ്പാസ് റോഡിൽ ആവശ്യമായ വെളിച്ച സൗകര്യം ഒരുക്കുന്നതിന് വേണ്ടി ഇരു സൈഡുകളിലുമാ യി 60 വാട്ടിന്റെ 73 എൽ ഇ ഡി ലൈറ്റുകളാണ് സ്ഥാപിച്ചത് . ഏഴു മീറ്റർ ഉയരത്തിലുള്ള പോളിലാണ് എൽ ഇ ഡി ലൈറ്റുകൾ സ്ഥാപിക്കുന്നത്.എം എൽ എ ആസ്തി വികസന ഫണ്ടിൽ നിന്നും 65 ലക്ഷം രൂപ ചിലവഴിച്ചു കൊണ്ടാണ് ലൈറ്റിംഗ് സിസ്റ്റം സ്ഥാപിച്ചത്.
ചടങ്ങിൽ 32-ാം വാർഡ് കൗൺസിലർ സലീം ചെറിയാൻ,സി പി ഐ എം ഏരിയ കമ്മിറ്റി അംഗവും മുനിസിപ്പൽ പ്രതിപക്ഷ നേതാവുമായ സി പി എസ് ബാലൻ, വ്യാപാരി വ്യവസായി സമിതി സെക്രട്ടറി സജി മാടവന, ടൗൺ ജുമാ മസ്ജിദ് പ്രസിഡന്റ് നൗഷാദ് വി, സജി സന്തോഷ്, പി എസ് നവാസ്, സിബി,അപർണ മേനോൻ, സിബി ആർട്ട് ലൈൻ, അലോഷി തോമസ്,വി കെ കൃഷ്ണൻ എന്നിവർ സന്നിഹിതരായിരുന്നു.
