കോതമംഗലം: പിണ്ടിമന പഞ്ചായത്തും പുതുപ്പാടി മരിയൻ അക്കാദമി സോഷ്യൽ വർക്ക് ഡിപ്പാർട്ട്മെൻറും യു. പിണ്ടിമന ഗവ. യുപി സ്കൂളും സംയുക്തമായി കാർഷിക സെമിനാറും പച്ചക്കറിത്തോട്ട നിർമ്മാണം ഉദ്ഘാടനവും നടത്തി. സ്കൂൾ ഓഡിറ്റോറിയത്തിൽ നടന്ന കാർഷിക വിജ്ഞാന പ്രോഗ്രാം
പഞ്ചായത്ത് പ്രസിഡൻറ് ജെസ്സി സാജു ഉദ്ഘാടനം ചെയ്തു.
പഞ്ചായത്ത് വികസനകാര്യ സ്ഥിരം സമിതി ചെയർപേഴ്സൻ സിബി പോൾ അധ്യക്ഷത വഹിച്ചു. പിണ്ടിമന കൃഷി ഓഫീസർ സി.എം ഷൈല കുട്ടികൾക്ക് കാർഷിക ബോധവൽക്കരണ ക്ലാസ് നയിച്ചു.
ഹെഡ്മിസ്ട്രസ് ലിജി വി. പോൾ , വാർഡ് മെമ്പർ ലത ഷാജി , പഞ്ചായത്ത് അംഗം എസ് എം അലിയാർ , കെസിയ മോൾ മാത്യു,ബി രശ്മി ,കെ. ജയകുമാർ എന്നിവർ പ്രസംഗിച്ചു. അക്സ സ്കറിയ , ഗബ്രിയ മേരി സെബാസ്റ്റ്യൻ, അമിത എം ജോർജ് എന്നിവർ നേതൃത്വം നൽകി.
