കോതമംഗലത്ത് സ്വകാര്യ ബസുകളുടെ മിന്നൽ പണിമുടക്ക്: യാത്രക്കാർ പെരുവഴിയിൽ

കോതമംഗലം : കോതമംഗലത്ത് മിന്നൽ പണിമുടക്ക് പ്രഖ്യാപിച്ച് സ്വകാര്യ ബസ് തൊഴിലാളികൾ. മുനിസിപ്പൽ ബസ് സ്റ്റാൻഡിൽ ബസ് ജീവനക്കാരെ ഒരുകൂട്ടം വിദ്യാർത്ഥികളും ഓട്ടോറിക്ഷ തൊഴിലാളികളും ചേർന്ന് മർദിച്ചെന്ന് ആരോപിച്ചാണ് പണിമുടക്ക് പ്രഖ്യാപിച്ചത്.

വിദ്യാർത്ഥി യാത്രയുമായി ബന്ധപ്പെട്ട തർക്കമാണ് സംഘർഷത്തിലേക്ക് നയിച്ചത്. സമരം ഇപ്പോഴും തുടരുകയാണ്. പ്രവൃത്തി ദിനമായതിനാൽ വിദ്യാർത്ഥികൾ ഉൾപ്പെടെയുള്ള യാത്രക്കാരെ സമരം ബാധിച്ചു.