കോതമംഗലം: വ്യാപാരി വ്യവസായി ഏകോപന സമിതി കീരംപാറ യൂണിറ്റ് വ്യാപാരി ദിനം ആചരിച്ചു. കീരംപാറയില്‍നിന്നും ജാഥയായി വ്യാപാര ഭവനില്‍ എത്തി യൂണിറ്റ് പ്രസിഡന്റ് ജിജി എളൂര്‍ പതാക ഉയര്‍ത്തി. തുടര്‍ന്ന് സമ്മേളനത്തില്‍ പ്രസിഡന്റ് അധ്യക്ഷത വഹിച്ചു. കീരംപാറ പഞ്ചായത്ത് പ്രസിഡന്റ് മാമച്ചന്‍ ജോസഫ് മുഖ്യപ്രഭാഷണം നടത്തി.
വ്യാപാരിദിനത്തോടനുബന്ധിച്ച് നിര്‍ധനരായ കുടുംബാംഗങ്ങള്‍ക്ക് ചികിത്സാസഹായം നല്‍കി. യൂണിറ്റ് സെക്രട്ടറി ജോര്‍ജ് കല്ലറയ്ക്കല്‍, വി.കെ. വര്‍ഗീസ്, ജോര്‍ജ്കുട്ടി ഏലിയാസ്, ജോസ് കാരക്കൊബില്‍, പി.ഒ. പൗലോസ്, ബിജു കോച്ചാടത്തില്‍, സ്റ്റീഫന്‍ കൊട്ടിശേരിക്കുടി, ജോര്‍ജി ജോണ്‍, എന്‍.ഡി. ഷാജി, മനോജ് ജോര്‍ജ്, ഷാജി തൊണ്ടുങ്കല്‍, ബിന്ദു സത്യന്‍, ലിയ രഞ്ചി, ബീന വില്‍സണ്‍ എന്നിവര്‍ പ്രസംഗിച്ചു.
