പെരുമ്പാവൂർ : എൽദോസ് കുന്നപ്പിള്ളി എം.എൽ.എയുടെ വിദ്യാഭ്യാസ പദ്ധതിയായ ഇൻസ്പെയർ പെരുമ്പാവൂരിന്റെ ഭാഗമായി എൻജിനീയറിങ് – മെഡിക്കൽ എൻട്രൻസ് പരീക്ഷകൾക്ക് തയ്യാറെടുക്കുന്ന വിദ്യാർത്ഥികൾക്കായി സൗജന്യ പരിശീലനവും മാതൃകാ കീം/ നീറ്റ് പരീക്ഷയും നടത്തുന്നു. വൻ തുക മുടക്കി എൻട്രൻസ് പരിശീലന കേന്ദ്രങ്ങളിൽ ചേർന്ന് പഠിക്കാൻ കഴിയാത്തവർക്കും സാമ്പത്തിക ബുദ്ധിമുട്ടുള്ള വിദ്യാർഥികൾക്കും ഈ പരിപാടി ഏറെ സഹായകമാകും. മറ്റു പരിശീലന ക്ലാസുകളിൽ ചേർന്നിട്ടുള്ള കുട്ടികൾക്കും ഇത് പ്രയോജനപ്പെടുത്താവുന്നതാണ്. കീം/നീറ്റ് പരീക്ഷയുടെ അതേ മാതൃകയിൽ നടത്തുന്ന മാതൃകാ മോഡൽ എക്സാം വിദ്യാർഥികൾക്ക് ആത്മവിശ്വാസത്തോടെ പരീക്ഷയെ അഭിമുഖീകരിക്കുവാൻ സഹായിക്കും.
എൻട്രൻസ് പരിശീലന രംഗത്ത് പരിചയസമ്പന്നരായ അധ്യാപകർ നയിക്കുന്ന ക്ലാസ്സുകളും മാർഗ്ഗനിർദ്ദേശങ്ങളും ഇൻസ്പെയർ പെരുമ്പാവൂറിൻറെ സവിശേഷതയാണ്. കഴിഞ്ഞ മൂന്നു വർഷമായി നടക്കുന്ന ഈ പരിശീലന പദ്ധതി ആയിരക്കണക്കിന് വിദ്യാർഥികൾക്ക് പ്രയോജനപ്പെട്ടിട്ടുണ്ട്. 2022 ഏപ്രിൽ 28 ന് ആരംഭിക്കുന്ന സൗജന്യ പരിശീലനത്തിൽ പങ്കെടുക്കുവാൻ ആഗ്രഹിക്കുന്ന വിദ്യാർഥികൾ താഴെക്കൊടുത്തിരിക്കുന്ന ഈ ലിങ്കിൽ രെജിസ്റ്റർ ചെയ്യാവുന്നതാണ്.
inspireentrance.in
കൂടുതൽ വിവരങ്ങൾക്ക് : 9446070594
