പെരുമ്പാവൂർ : പ്രായപൂർത്തിയാകാത്ത പെൺകുട്ടി വീടിനകത്തെ കുളിമുറിയിൽ കുളിക്കുന്നത് മൊബൈൽ ഫോണിൽ പകർത്തിയ യുവാവ് അറസ്റ്റിൽ. അത്താണി കുന്നിശേരി എത്താപ്പിള്ളി വീട്ടിൽ അരുൺ (23) നെയാണ് ചെങ്ങമനാട് പോലീസ് അറസ്റ്റ് ചെയ്തത്. കഴിഞ്ഞ 4 ന് ആണ് സംഭവം. വീടിന്‍റെ സൺഷൈഡിൽ കയറിനിന്നാണ് ഇയാൾ മൊബൈലിൽ പകർത്തിയത്. ഫ്ലാഷ് മിന്നുന്നത് കണ്ട പെൺകുട്ടി നിലവിളിച്ചതിനെ തുടർന്ന് പ്രതി ഓടി രക്ഷപ്പെടുകയായിരുന്നു.
ഇൻസ്പെക്ടർ എസ്.എം.പ്രദീപ്കുമാർ, എസ് ഐമാരായ പി.ജെ.കുര്യാക്കോസ്, പി.ബി.ഷാജി എ എസ് ഐമാരായ എ.ബി.സിനുമോൻ, രാജേഷ്കുമാർ സി പി ഒ കെ.പി.സെബാസ്റ്റ്യൻ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. മൊബൈൽ ഫോൺ പോലീസ് കണ്ടെടുത്തു. കോടതിയിൽ ഹാജരാക്കി റിമാൻഡ് ചെയ്തു.
