കോതമംഗലം : സ്വകാര്യ ബസുകൾ പുറപ്പെടുന്ന സമയത്തെച്ചൊല്ലിയുള്ള തർക്കത്തിനൊടുവിൽ മുന്നിൽ പോയ ബസിനു പിന്നിൽ പിന്നാലെ വന്ന ബസിടിച്ചു. വെള്ളിയാഴ്ച രാത്രി ഏഴ് മണിയോടെ നേര്യമംഗലം ടൗണിലാണ് സംഭവം. നേര്യമംഗലത്തു നിന്നും യാത്ര തിരിച്ച ഐഷാസ് ബസിലെ ഡ്രൈവറും അനുപമ ബസിലെ ഡ്രൈവറും തമ്മിലാണ് വാക്കേറ്റവും കയ്യാങ്കളിയുമുണ്ടായത്. തർക്കത്തെ തുടർന്ന് ബസ് നിർത്തി അനുപമ ബസിന്റെ ഡ്രൈവർ സീറ്റിൽ നിന്നിറങ്ങി ഐഷാസ് ബസിലെ ഡ്രൈവറെ സീറ്റിൽ നിന്നും വലിച്ചു ഇറക്കാൻ ശ്രമിക്കുന്നതിനിടെ ഡ്രൈവറുടെ നിയന്ത്രണം തെറ്റി മുന്നിലെ അനുപമ ബസിൽ ചെന്ന് ഇടിച്ചു.
ബസിൽ യാത്രക്കാർ ഉണ്ടായിരുന്നുവെങ്കിലും ആർക്കും പരുക്കുകൾ ഇല്ല. കുറെ ദിവസങ്ങളായി രണ്ടു ബസുകളിലെയും ജീവനക്കാർ തമ്മിൽ ബസ് പുറപ്പെടുന്ന സമയത്തെ സംബന്ധിച്ച് തർക്കം നിലനിന്നിരുന്നതായി അറിയുന്നു.
