കോതമംഗലം :നേര്യമംഗലം ചെമ്പൻകുഴിയിൽ കാട്ടാനയുടെ വിളയാട്ടം. കാട്ടാന കൂട്ടമായെത്തിയാണ് കൃഷി വിളകൾ നശിപ്പിക്കുന്നത്. കഴിഞ്ഞ ദിവസം ചെമ്പൻകുഴി ഷാപ്പും പടിയിൽ പെരിയാർ നദി തീരത്തുള്ള കൃഷിയിടത്തിലെ നൂറു കണക്കിന് വാഴയും, തെങ്ങ്, കൊക്കോ എന്നി കൃഷി വിളകൾ നശിപ്പിച്ചു. മുട്ടാഞ്ചേരി രഖു, തൃക്കപറമ്പിൽ സുധാകർ, പറമ്പകത്ത് പുഷ്‌പ്പൻ എന്നിവരുടെ കൃഷിയിടത്തിലെ കൃഷിയാണ് നശിപ്പിക്കപ്പെട്ടത്.
പെരിയാർ നദി നീന്തി കടന്നാണ് കാട്ടാന കൂട്ടം എത്തുന്നത്. കഴിഞ്ഞ ഏതാനും ദിവസം മുന്നേ നേര്യമംഗലം പട്ടണത്തിന് സമീപം വരെ കാട്ടാനയെത്തി. ജില്ലാ കൃഷി തോട്ടത്തിൽ കയറി തെങ്ങ് ഉൾപ്പെടെയുള്ള കാർഷിക വിളകൾ വ്യാപകമായി നശിപ്പിക്കപ്പെട്ടിരുന്നു
