കീരംപാറ : പുന്നേക്കാട് ജനവാസ മേഖലയിലെത്തിയ കൂറ്റൻ പെരുമ്പാമ്പിനെ പിടികൂടി. പുന്നേക്കാട്, കരിയിലാമ്പാറയിൽ ജനവാസ മേഖലയിലെത്തിയ പെരുമ്പാമ്പിനെയാണ് ഇന്ന് വെളുപ്പിനെയോടെ പിടികൂടിയത്. പുന്നേക്കാട് സെക്ഷൻ ഫോറസ്റ്റ് ഓഫീസിലെ ഉദ്യോഗസ്ഥരുടെ നിർദ്ദേശപ്രകാരം പാമ്പ് പിടുത്ത വിദഗ്ദ്ധനായ CK വർഗീസാണ് പാമ്പിനെ പിടികൂടിയത്.
വീടിനു സമീപം ഒളിച്ച പെരുമ്പാമ്പിനെ അനായാസമായിട്ടാണ് വർഗീസ് ചാക്കിലാക്കിയത്. ഏകദേശം12 അടി നീളമുള്ള പെൺപെരുമ്പാമ്പാണ് ഇത്. ഒട്ടും പ്രകോപിപ്പിക്കാതെയും അപകടരഹിതവുമായിട്ടാണ് ചാക്കുപയോഗിച്ച് പെരുമ്പാമ്പിനെ പിടികൂടിയതെന്ന് പാമ്പ് പിടുത്ത വിദഗ്ദ്ധൻ CK വർഗീസ് പറഞ്ഞു.
