കോതമംഗലം : കോതമംഗലം നിയോജക മണ്ഡലത്തിലെ കോട്ടപ്പടി, പിണ്ടിമന,കീരംപാറ , കവളങ്ങാട്,കുട്ടമ്പുഴ എന്നീ പഞ്ചായത്തുകളിൽ വന്യമൃഗ ശല്യം രൂക്ഷമായിരിക്കുന്ന സാഹചര്യത്തിൽ ഡീൻ കുര്യാക്കോസ് MP കോതമംഗലത്ത് നേരിട്ടെത്തി ബന്ധപ്പെട്ട അധികൃതരുടെ യോഗം വിളിച്ചു ചേർത്തു. മലയാറ്റൂർ DFO , ഫോറസ്റ്റ് ഓഫീസർമാർ എന്നിവരുമായി ചർച്ച നടത്തി. ബ്ലോക്ക് പഞ്ചായത്ത്‌ പ്രസിഡന്റ്‌ പാം ബഷീർ, വൈസ് പ്രസിഡന്റ്‌ നിസമോൾ ഇസ്മായിൽ, സ്റ്റാന്റിംഗ് കമ്മിറ്റി ചെയർമാൻ മാരായ ജോമി തെക്കേക്കര, ജെയിംസ് കോർമ്പേൽ, സാലി ഐപ്, മെമ്പർ ഡയന നോബി എന്നിവർ പങ്കെടുത്തു.
പ്രസ്തുത യോഗത്തിൽ മേൽപ്പറഞ്ഞ പ്രദേശങ്ങളിലെ വനാതിർത്തിയിൽ ട്രഞ്ച് കുഴിക്കുക, വന്യമൃഗങ്ങൾ നാശം വരുത്തിയ കൃഷിയിടങ്ങളിലെ ചുറ്റുമതിലുക ,കയ്യാലകൾ എന്നിവ പുനർനിർമിച്ച് നൽകുക തുടങ്ങിയ പ്രവൃത്തികൾ അടിയന്തരമായി പൂർത്തികരിക്കാൻ MP ബന്ധപ്പെട്ടവർക്ക് നിർദ്ദേശം നൽകി.
