കോതമംഗലം :- കുത്തുകുഴി ജംഗ്ഷനിലെ വെള്ളക്കെട്ടിന് ശാശ്വത പരിഹാരമാകുന്നു. പ്രദേശത്ത് ശക്തമായ മഴ പെയ്യുമ്പോൾ ജംഗ്ഷനിൽ വലിയ വെള്ളക്കെട്ടും പ്രദേശവാസികളുടെ കടകളിലേക്കും വെള്ളം കയറുന്ന അവസ്ഥയിലായിരുന്നു.ഇതിനാണ് ഇപ്പോൾ പരിഹാരമാകുന്നത്. ആൻ്റണി ജോൺ എംഎൽഎയുടെ നേതൃത്വത്തിൽ മുനിസിപ്പൽ ചെയർമാൻ കെ കെ ടോമി,സി പി ഐ എം ലോക്കൽ സെക്രട്ടറി കെ പി മോഹനൻ,പി ഡബ്ല്യൂ ഡി ഉദ്യോഗസ്ഥർ തുടങ്ങിയവർ സ്ഥലം സന്ദർശിച്ച് സ്ഥിതിഗതികൾ വിലയിരുത്തി.
വെള്ളക്കെട്ട് പരിഹരിക്കാൻ ആവശ്യമായ പണികൾ അടിയന്തിരമായി ആരംഭിക്കാൻ എംഎൽഎ ബന്ധപ്പെട്ട ഉദ്യോഗസ്ഥർക്ക് നിർദേശം നൽകി. കുത്തുകുഴി – അടിവാട് റോഡ് ആധുനിക നിലവാരത്തിൽ നവീകരിക്കുന്നതിന് 2.2 കോടി രൂപയാണ് അനുവദിച്ചിരിക്കുന്നത്.
