കോതമംഗലം: കോവിഡ് 19 ന്റെ പശ്ചാത്തലത്തിൽ അടിയന്തിര സാഹചര്യം നേരിടുന്നതിൻ്റെ ഭാഗമായി കോതമംഗലം താലൂക്ക് ആശുപത്രിയിലേക്ക് 15 ലക്ഷം രൂപയുടെ എമർജൻസി ഉപകരണങ്ങൾ ഉടൻ ലഭ്യമാക്കുമെന്ന് ആന്റണി ജോൺ എംഎൽഎ അറിയിച്ചു. MLA ഫണ്ടിൽ നിന്നും അനുവദിച്ചിരുന്ന 15 ലക്ഷം രൂപയുടെ ഉപകരണങ്ങൾ കേരള മെഡിക്കൽ സർവ്വീസ് കോർപ്പറേഷൻ ലിമിറ്റഡ് വഴിയാണ് ലഭ്യമാക്കുന്നത്. വെന്റിലേറ്ററിനു പുറമെ,ഹെമറ്റോളജി അനലൈസർ,സക്ഷൻ അപ്പാരറ്റസ്,ക്രാഷ് കാർട്ട്,സ്ട്രക്ചർ ട്രോളി വിത്ത് ബെൽറ്റ്,പൾസ് ഓക്സി മീറ്റർ,ഇനാക്കുലേഷൻ ഹുഡ്‌,വീൽചെയർ അടക്കമുള്ള അത്യാവശ്യ ഉപകരണങ്ങളാണ് താലൂക്ക് ആശുപത്രിയിൽ ലഭ്യമാക്കുന്നത്.
