ആന്റണി ജോണിനെ പെസഹ അപ്പം നൽകി സ്വീകരിച്ച് മെന്റർ അക്കാദമി.

കോതമംഗലം : എൽ ഡി എഫ് സ്ഥാനാർത്ഥി ആൻ്റണി ജോൺ രാവിലെ ഇടവക ദേവാലയമായ സെൻ്റ് ജോർജ് കത്തീഡ്രലിൽ പെസഹ വ്യാഴ തിരുകർമ്മങ്ങളിൽ പങ്കെടുത്ത ശേഷമാണ് പര്യടനം ആരംഭിച്ചത്. കോതമംഗലം ധർമ്മഗിരി ആശുപത്രി, എം എ കോളേജ് ജംഗ്ഷനിലുള്ള വ്യാപാര സ്ഥാപനങ്ങൾ, മെന്റർ അക്കാദമി, ഫയർ ആന്റ് റെസ്ക്യൂ ഓഫീസ്, വിവിധ കോൺവെന്റുകൾ, ദേവാലയങ്ങൾ സന്ദർശിച്ച് വോട്ട് അഭ്യർത്ഥിച്ചു. കോതമംഗലം ഫയർ ആന്റ് റെസ്ക്യൂ ഓഫീസിൽ ആന്റണി ജോൺ എത്തി വോട്ട് അഭ്യർത്ഥിക്കുകയും ചെയ്‌തു.