കോതമംഗലം: നാഷണല് എക്സ്സര്വ്വീസ്മെന് കോ ഓര്ഡിനേഷന് കമ്മിറ്റി സ്ഥാപകദിനം ആഘോഷിച്ചു. മലയിന്കീഴിലുള്ള വിമുക്തഭട ഭവനില്, കോതമംഗലം യൂണിറ്റ് പ്രസിഡന്റ് നസീര് പി.എം സംഘടനയുടെ പതാക ഉയര്ത്തി. തുടര്ന്ന് നടന്ന യോഗത്തില് യൂണിറ്റ് പ്രസിഡന്റ് നസീര് പി.എം അധ്യക്ഷത വഹിച്ചു. വിമുക്തഭടന്മാരുടെ വണ്റാങ്ക് വണ് പെന്ഷന് തുടങ്ങിയ നിരവധി പ്രശനങ്ങള് പരിഹരിക്കുന്നതിന് നിവേദനങ്ങള് നല്കിയും, സമരം സംഘടിപ്പിച്ചും അക്ഷീണം പ്രവര്ത്തിച്ച്, വിജയം കൈവരിച്ച ദേശീയ വിമുക്തഭട സംഘടനയാണ് നാഷണല് എക്സ്സര്വ്വീസ്മെന് കോ ഓര്ഡിനേഷന് കമ്മിറ്റി എന്ന് നസീര് പി.എം പറഞ്ഞു.
നാഷണല് എക്സ്സര്വ്വീസ്മെന് കോ ഓര്ഡിനേഷന് കമ്മിറ്റിയുടെ സ്ഥാപക നേതാവ് ശ്രീ സൈതലവിയുടെ സേവന പ്രവര്ത്തനങ്ങളേയും യോഗം അഭിനന്ദിച്ചു. യൂണിറ്റ് വൈസ് പ്രസിഡന്റ് സരിതാസ് നാരായണന് നായര്, സെക്രട്ടറി ജേക്കബ് പി.എം, വനിതാ ഫോറം പ്രസിഡന്റ് ശ്രീജ ദിവാകരന്, ജോയിന്റ് സെക്രട്ടറി റ്റി.എ ജോസ്, ജവാന് സൊസൈറ്റി സെക്രട്ടറി എം.എം മീരാന്, മുന് പ്രസിഡന്റ് വി.സി പൈലി, ഇ.എന് ദിവാകരന്, പൗലോസ് പി.എ, വി.ഡി വിജീഷ്, മാത്തച്ചന് എന്നിവര് നേതൃത്വം നല്കി.
