എസ് എസ് എൽ സി,പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർത്ഥികളെ അനുമോദിച്ചു.

കോതമംഗലം: ഡിവൈഎഫ്ഐ അയിരൂർപാടം യൂണിറ്റ് കമ്മറ്റിയുടെ നേതൃത്വത്തിൽ എസ് എസ് എൽ സി,പ്ലസ് ടു പരീക്ഷയിൽ ഫുൾ എ പ്ലസ് നേടിയ വിദ്യാർത്ഥികളെയും,മികച്ച വിജയം നേടിയ വിദ്യാർത്ഥികളെയും അനുമോദിച്ചു. അയിരൂർപാടം പ്രദേശത്തെ 44 വിദ്യാർത്ഥികൾക്കാണ് ആന്റണി ജോൺ എം എൽ എ വീടുകളിലെത്തി ഉപഹാരം നൽകിയത്. ചടങ്ങിൽ വാർഡ് മെമ്പർ ഹസീന അലിയാർ,കൈറ്റ് കോ ഓർഡിനേറ്റർ എസ് എം അലിയാർ, ഡിവൈഎഫ്ഐ നേതാക്കളായ എം എ അൻഷാദ്,ജിതിൻ പി ബാബു,ആഷിഖ് അഷറഫ്,ഗോകുൽ ശാന്തൻ,അൻഷാദ് കെ എ തുടങ്ങിയവർ സന്നിഹിതരായിരുന്നു.