കോതമംഗലം: പാട്ട് പാടി കൊണ്ടൊരു അഭിനന്ദനം – കേരള മുഖ്യമന്ത്രി പിണറായി വിജയന് വേറിട്ട അഭിനന്ദനവുമായി ഒരു കൂട്ടം യുവാക്കൾ. യാക്കോബായ സുറിയാനി സഭയിലെ യുവജന സംഘടനയായ കേഫായിലെ പ്രവർത്തകരാണ് “പ്രിയപ്പെട്ട മുഖ്യമന്ത്രിക്ക് സന്തോഷപൂർവ്വം” എന്ന പേരിൽ അഭിനന്ദന ഗാനം സമർപ്പിച്ചത്. യാക്കോബായ – ഓർത്തഡോക്സ് പള്ളികളിൽ തർക്കത്തെ തുടർന്ന് യാക്കോബായ വിഭാഗത്തിലെ വിശ്വാസികളുടെ ശവസംസ്ക്കാരം ഓർത്തഡോക്സ് വിഭാഗം തടയുന്നത് വലിയ പ്രശ്നങ്ങൾ സൃഷ്ടിക്കപ്പെട്ടിരുന്നു.
സുപ്രീം കോടതി വിധി പ്രകാരം പള്ളികൾ നഷ്ടപ്പെട്ട യാക്കോബായ വിശ്വാസികളുടെ ശവസംസ്ക്കാരം സുഗമമായി നടത്തുന്നതിന് സാധിക്കുന്ന തരത്തിൽ സർക്കാർ സെമിത്തേരിയിൽ ശവസംസ്കാരം നടത്തുന്നതിനുള്ള മാർഗരേഖകളുമായി ഓർഡിനൻസ് പുറപ്പെടുവിച്ചതിനുള്ള നന്ദി സൂചകമായിട്ടായിരുന്നു ഗാനാലാപനം.
കോതമംഗലം കോട്ടപ്പടി സ്വദേശി യാൾഡിൻ ബാബുവിന്റെ വരികളാണ് പിണറായി വിജയന് ആശംസാ ഗീതമായത്. സണ്ണി ജോസഫ്, ജിജിൻ പിറവം, യാൾഡിൻ ബാബു, ജോബി മാന്തളിർ, അരുൺ കടമറ്റം, എബിൻ പി.പി, എൽദോ എന്നിവർ ചേർന്നാണ് വിത്യസ്തമായ അഭിനന്ദന ഗീതമൊരുക്കിയത്.
You must be logged in to post a comment Login