കോതമംഗലം : തങ്കളം -കോളേജ് ജംഗ്ഷൻ റോഡിലാണ് സ്കൂൾ ബസ് അപകടത്തിൽപെട്ടത്. വർക്ക് ഷോപ്പിൽ നിന്നും ബസിന്റെ അറ്റകുറ്റപണികൾ കഴിഞ്ഞ ശേഷം മുവാറ്റുപുഴയിലേക്ക് പോകുന്ന വഴിയിലാണ് അപകടം നടന്നത്. വൈദ്യുത പോസ്റ്റിൽ ഇടിച്ചതിനെത്തുടർന്ന് വൈദ്യുത കമ്പികൾ പൊട്ടി വാഹനത്തിന്റെ മുകളിലേക്ക് വീഴുകയായിരുന്നു. അപ്പോൾ തന്നെ വൈദ്യുതി പ്രസരണം നിലച്ചതുമൂലം വൻ അപകടം ഒഴിവാകുകയായിരുന്നു. ബസിന്റെ ബ്രേക്ക് തകരാറാണ് അപകടത്തിന് കാരണമെന്നാണ് പ്രാഥമിക നിഗമനം. വൈദ്യുത ജീവനക്കാർ സ്ഥലത്തെത്തി വൈദ്യുത ലൈൻ മാറ്റുകയും , ഗതാഗതം പുനഃസ്ഥാപിക്കുകയും ചെയ്‌തു. മുവാറ്റുപുഴ കോ ഓപ്പറേറ്റീവ് പബ്ലിക് സ്കൂളിന്റെ ഉടമസ്ഥതയിലുള്ളതാണ് അപകടത്തിൽപ്പെട്ട ബസ്. ഡ്രൈവർ പരുക്കുകൾ ഇല്ലാതെ രക്ഷപെട്ടു.
You must be logged in to post a comment Login