Connect with us

Hi, what are you looking for?

NEWS

കോതമംഗലത്ത് യാക്കോബായ സുറിയാനി സഭയുടെ കൂനൻ കുരിശ് സത്യം ഒക്ടോബർ 6 ഞായറാഴ്ച ഉച്ചകഴിഞ്ഞ് 3ന്.

കോതമംഗലം: സുപ്രീം കോടതിയുടെ വിധി മറയാക്കി യാക്കോബായ സുറിയാനി സഭയുടെ വിശ്വാസാചാരങ്ങളിൽ നൂറ്റാണ്ടുകളായി നിലനിൽക്കുന്ന പള്ളികൾ പിടിച്ചെടുക്കുകയും, ആ പള്ളി ഇടവകയിലെ യാക്കോബായ വിശ്വാസികളുടെ മൃതദേഹം പള്ളി സെമിത്തേരിയിൽ സംസ്ക്കരിക്കുന്നതിനെ എതിർക്കുന്നതുമായ കോട്ടയം ആസ്ഥാനമായ ഓർത്തഡോക്സ് സഭയുടെ ദുഷിച്ച നിലപാടുകൾക്കെതിരെ കേരളത്തിലെ യാക്കോബായ സുറിയാനി സഭയുടെ ദൈവാലയങ്ങളിലെ വിശ്വാസികൾ കോതമംഗലത്ത് ഒരുമിക്കുന്നു.

സുറിയാനി ക്രിസ്ത്യാനികൾ മട്ടാഞ്ചേരിയിലെ കുരിശിൽ ആലാത്ത് കെട്ടി നടത്തിയ സത്യപ്രതിജ്ഞയുടെ ചുവട് പിടിച്ച് 2019 ഒക്ടോബർ 6 ഞായറാഴ്ച വൈകിട്ട് 3ന് കോതമംഗലം മാർ തോമ ചെറിയ പള്ളിയിലെ യൽദോ മോർ ബസേലിയോസ് ബാവയുടെ കബറിനെ സാക്ഷിയാക്കി സുറിയാനി സഭയുടെ ശ്രേഷ്ഠ കാതോലിക്ക ബാവയും, മെത്രാപ്പോലീത്തമാരും വൈദീകരും വിശ്വാസികളും പള്ളിയുടെ മുന്നിലെ കൽകുരിശിൽ ആലാത്ത് കെട്ടി വിശ്വാസ പ്രഖ്യാപനം നടത്തും.

അന്ത്യോഖ്യാ സിംഹാസനത്തിന് കീഴിലുള്ള തങ്ങളുടെ വിശ്വാസത്തെ ചവിട്ടിമെതിച്ച്, ആരാധനാ സ്വാതന്ത്ര്യം നിഷേധിച്ച്, നീതിയെ ഇല്ലാതാക്കി കൊണ്ട് ഓർത്തഡോക്സ് വിഭാഗം ഒരു കോടതി വിധിയുടെ മറവിൽ നടത്തുന്ന പള്ളി പിടിച്ചെടുക്കൽ ഒരു തരത്തിലും അംഗീകരിക്കാൻ തയ്യാറല്ലെന്ന വ്യക്തമായ താക്കീതോടെയാണ് സുറിയാനി സഭയിലെ വിശ്വാസികൾ പങ്കെടുക്കുന്ന വിശ്വാസ പ്രഖ്യാപനം കോതമംഗലം മാർ തോമ ചെറിയ പള്ളിയിൽ സംഘടിപ്പിക്കുന്നത്. സുറിയാനി സഭയുടെ വിശ്വാസം കാക്കുന്നതിനുള്ള തുടക്കമാണ് ഈ സത്യപ്രതിജ്ഞ.

യാക്കോബായ സുറിയാനി സഭയുടെ വിശ്വാസത്തിൽ നിലനിൽക്കുന്ന
എല്ലാ പള്ളികളിലും ഒക്ടോബർ 6 ഞായറാഴ്ച നടക്കേണ്ടിയിരുന്ന കുടുംബയൂണിറ്റുകളുടെ യോഗങ്ങൾ ഒഴിവാക്കിക്കൊണ്ട് പള്ളിക്കാര്യത്തിൽനിന്നും വാഹനങ്ങൾ ക്രമീകരിച്ച് വികാരിയുടെയും ഭരണ സമിതിയുടെയും നേതൃത്വത്തിൽ ഇടവകയിലെ മുഴുവൻ വിശ്വാസികളെയും പങ്കെടുപ്പിക്കണമെന്നാവശ്യപ്പെട്ടുള്ള കല്പന പള്ളികൾക്ക് നൽകിയിട്ടുണ്ട്.

Click to comment

You must be logged in to post a comment Login

Leave a Reply

You May Also Like

NEWS

ഷാനു പൗലോസ് കോതമംഗലം / പുത്തൻകുരിശ്: യാക്കോബായ സുറിയാനി സഭയുടെ പാർലമെന്റായ യാക്കോബായ സുറിയാനി ക്രിസ്ത്യാനി അസോസിയേഷനിൽ നടന്ന തെരെഞ്ഞെടുപ്പിൽ നിലവിലെ ഭരണ സമിതിക്കെതിരെ  വൻ ഭൂരിപക്ഷത്തോടെ അധികാര സ്ഥാനത്തേക്ക് പുതുനേതൃത്വം. മലങ്കര...

NEWS

കോതമംഗലം: മഹാ പരിശുദ്ധനായ ബസേലിയസ് ബാവയുടെ 332മത് ഓർമ്മ പെരുന്നാൾ കന്നി 20 നോടനുബന്ധിച്ച് വ്യാപാരി വ്യവസായി ഏകോപനസമിതി വനിതാ വിംഗ് കോതമംഗലം നിയോജക മണ്ഡലം കമ്മറ്റിയുടെ നേതൃത്വത്തിൽ ഷീ കൗണ്ടർ പ്രവർത്തനം...

NEWS

കോതമംഗലം : ആഗോള സര്‍വ്വമത തീര്‍ത്ഥാടന കേന്ദ്രമായ കോതമംഗലം മാര്‍ തോമ ചെറിയ പള്ളിയില്‍ കബറടങ്ങിയിരിക്കുന്ന പരി. യല്‍ദോ മാര്‍ ബസേലിയോസ് ബാവായുടെ സ്മരണാര്‍ത്ഥം തപാല്‍ വകുപ്പ് സ്‌പെഷ്യല്‍ പോസ്റ്റല്‍ കവര്‍ പുറത്തിറക്കി....

EDITORS CHOICE

ഷാനു പൗലോസ് കോതമംഗലം: യാക്കോബായ സുറിയാനി സഭയിലേക്ക് സന്യസ്ഥ വൈദീകനായി ഉയർത്തപ്പെട്ട ഫാ. ഗീവർഗീസ് വട്ടേക്കാട്ടിൻറെ ( ഫാ.ടോണി കോര ) പുത്തൻ കുർബ്ബാന ഇടവകപള്ളിയായ കോട്ടപ്പടി കൽക്കുന്നേൽ സെന്റ് ജോർജ്ജ് യാക്കോബായ...