കോതമംഗലം : ഹെലികോപ്ടറിൽ റൂറൽ ഏരിയകളിൽ സുരക്ഷാ പരിശോധന നടത്താൻ പോലീസ് സംഘം കോതമംഗലത്തെത്തി. കോതമംഗലം എം എ കോളേജ് ഗ്രൗണ്ടിൽ എത്തിച്ച ഹെലികോപ്ടറിൽ കയറിയാണ് പോലീസ് സംഘം നിരീക്ഷണം നടതിയത്. കോതമംഗലം പോലീസിൻ്റെ മേൽനോട്ടത്തിലാണ് എം എ കോളേജ് ഗ്രൗണ്ടിൽ ഹെലികോപ്റ്റർ ലാൻ്റ് ചെയ്തത്. പെരുമ്പാവൂർ എ എസ് പി മഹേഷ് ഐ പി എസ്, മുനമ്പം ഡിവൈഎസ്പിഎം കെ മുരളി എന്നിവരുടെ നേതൃത്വത്തിലുള്ള പോലീസ് സംഘമാണ് ഹെലികോപ്റ്ററിൽ ആകാശമാർഗ്ഗമുള്ള നിരീക്ഷണം നടത്തിയത്. പൂയംകുട്ടി, തട്ടേക്കാട്, ഭൂതത്താൻകെട്ട് തുടങ്ങിയ മേഖലകളിൽ നിരീക്ഷണം നടത്തിയെന്നാണ് പ്രാഥമിക വിവരം. ഒരു മണിക്കൂറോളം ആകാശ നിരീക്ഷണത്തിന് ശേഷം എം എ കോളേജ് ഗ്രൗണ്ടിൽ തിരികെ എത്തിയ ഹെലികോപ്പ്റ്റർപോലീസ് ഉദ്യേഗസ്ഥരെ ഇറക്കിയ ശേഷം മടങ്ങുകയായിരുന്നു.
