പെരുമ്പാവൂർ : കൂടാലപ്പാട് സെന്റ് ജോർജ് എൽപി സ്കൂളിൽ എം.എൽ.എ ഫണ്ടിൽ നിന്നും 5.50 ലക്ഷം രൂപ ചെലവിൽ നിർമ്മിച്ച അടുക്കള കെട്ടിടം എൽദോസ് കുന്നപ്പിള്ളി എം.എൽ.എ ഉദ്ഘാടനം ചെയ്തു. സ്കൂൾ മാനേജർ ഫാ. വർഗീസ് പൈനുങ്കൽ ആശീർവാദകർമ്മം നിർവഹിച്ചു. ഒക്കൽ പഞ്ചായത്ത് പ്രസിഡണ്ട് രമ ബാബുവിന്റെ അധ്യക്ഷതയിൽ കൂടിയ യോഗത്തിൽ ബ്ലോക്ക് പഞ്ചായത്ത് പ്രസിഡണ്ട് ബിന്ദു ഗോപാലകൃഷ്ണൻ, വൈസ് പ്രസിഡണ്ട് മനോജ് മൂത്തേടൻ, ഫാ. നിധിൻ അയിരൂക്കാട്ട്, ക്ലീറ്റസ് തോമസ്, സാബു ആന്റണി, ടി. ആർ. പൗലോസ്, കെ.പി പൈലി, റെബി ജേക്കബ് എന്നിവർ ആശംസകൾ അർപ്പിച്ചു. എൽ.എസ്.എസ് സ്കോളർഷിപ്പിന് അർഹരായ ഉത്തര. എൻ. ഷാജി, നോറ ബോബൻ എന്നിവർക്ക് പുരസ്കാരങ്ങൾ സമ്മാനിച്ചു. ഹെഡ്മിസ്ട്രസ് അമ്പിളി ജോസ് സ്വാഗതവും പി.റ്റി.എ. പ്രസിഡന്റ് ഷൈൻ ഐപ്പ് നന്ദിയും പറഞ്ഞു.
