കോതമംഗലം : പെരിയാർ വാലി സബ് കനാലിലെ ചോർച്ച മൂലം ഇതിലൂടെ ഒഴുകുന്ന വെള്ളം സ്വകാര്യ വ്യക്തിയുടെ പുരയിടത്തിലേക്ക് ക്രമത്തിലധികമായി കാലിച്ചു ഒഴുകിഎത്തുന്നതായി പരാതി. പിണ്ടിമന പഞ്ചായത്തിലെ നാടോടി പാലത്തിനും, ചെമ്മീൻ കുത്ത് പാലത്തിനും ഇടയിലായി ഇഞ്ചകണ്ടത്തിനു പോകുന്ന സബ് കനാലിന്റെ തുടക്ക ഭാഗത്താണ് ഈ വെള്ളം കാലിക്കൽ . ഇതുമൂലം സ്വകര്യ വ്യക്തിയുടെ പുരയിടത്തിലെ കൃഷി വിളകൾ , വെള്ളം കെട്ടി കിടന്ന് ചീച്ചൽ സംഭവിച്ചു നശിക്കുന്നതായിട്ടാണ് പരാതി.
പലതവണ ഈ വിഷയം പെരിയാർ വാലി ഇറിഗേഷൻ വിഭാഗത്തെ അറിയിച്ചെങ്കിലും ഇതുവരെ പ്രശ്നപരിഹാരം ആയിട്ടില്ലെന്നാണ് ആരോപണം. കാർഷിക, ഗാർഹിക ആവശ്യങ്ങൾക്കായിട്ടാണ് പ്രദേശത്തു സബ് കനാലുകൾ തീർത്തിരിക്കുന്നത്. എന്നാൽ യഥാസമയം കനാലിന്റെ ഉൾഭാഗത്തെ കാടുകൾ വെട്ടി തെളിച്ചു, കോൺക്രീറ്റ് ചെയ്ത് അറ്റകുറ്റപണികൾ നടത്താത്തതിനാൽ ഇതുപോലെ പലയിടങ്ങളിലും വെള്ളം പാഴായി പോകുന്നുണ്ട്.
